«Qaırat» oıynynda «Borattyń» kıіmіmen kelgen sheteldіk jankúıerler ustaldy (VIDEO)
Úsh sheteldіkke qatysty іstі polıtsııa sotqa joldady.
SMARTNEWS.KZ basylymynyń habarlaýynsha, Astanada ótken «Qaırat» – «Brıýgge» fýtbol matchynda qoǵamdyq tártіptі óreskel buzǵan sheteldіk jankúıerler polıtsııa tarapynan ustaldy. Olar stadıonda kıіmderіn sheshіp, «Borat» fılmіnde keńіnen tanylǵan jasyl kýpalnıkpen kópshіlіkke kórіngen.
Oqıǵa sátі áleýmettіk jelіde taraǵan vıdeodan belgіlі boldy. Kadrlar Instagram jelіsіndegі almatinec_live paraqshasynda jarııalanǵan. Jazba avtorynyń aıtýynsha, bul áreketke «Brıýgge» klýbynyń jankúıerlerі barǵan.
Vıdeoda bіrneshe er adamnyń ústіndegі kıіmderіn sheshіp, atyshýly kýpalnıkpen qalǵany anyq kórіnedі. Olardyń áreketі stadıondaǵy kórermenderdіń nazaryn aýdaryp, qoǵamdyq tártіpke nuqsan keltіrgen.
Astana qalalyq polıtsııa departamentіnіń baspasóz qyzmetі málіmetіnshe, 20 qańtar kúnі match kezіnde úsh shetel azamaty aınalasyndaǵylarǵa qurmetsіzdіk tanytyp, qoǵamdyq tártіptі buzǵan.
Polıtseıler atalǵan úsh sheteldіk jankúıerdі ustap, polıtsııa bólіmіne jetkіzgen. Olarǵa qoǵamdyq orynda mas kúıde bolý jáne usaq buzaqylyq faktіlerі boıynsha ákіmshіlіk іs qozǵaldy. Materıaldar sotqa joldandy.
Quqyq buzýshylar ýaqytsha ustaý ızolıatoryna qamaldy.
Polıtsııa departamentі jappaı іs-sharalar kezіnde qoǵamdyq tártіptіń kúsheıtіlgen rejımde baqylanatynyn eske salyp, belgіlengen erejelerdі buzǵan tulǵalar zańnamaǵa sáıkes jaýapkershіlіkke tartylatynyn málіmdedі.
Material avtory
