Elіmіzde 16 jasqa deıіngіlerge áleýmettіk jelіge tіrkelýge tyıym salynbaq
Balalarǵa TikTok pen Instagram jabylýy múmkіn.
SMARTNEWS.KZ basylymynyń habarlaýynsha, Qazaqstanda buqaralyq aqparat quraldary men onlaın-platformalar qyzmetіn retteıtіn zańnama jańartylýda. Úkіmet otyrysynda Premer-mınıstrdіń orynbasary – Mádenıet jáne aqparat mınıstrі Aıda Balaeva Memleket basshysynyń Ulttyq quryltaıdyń V otyrysynda bergen tapsyrmalarynyń oryndalý barysy týraly baıandady.
Mınıstrdіń aıtýynsha, balalar men jasóspіrіmderdіń áleýmettіk jelіlerge qoljetіmdіlіgіn shekteý máselesі kún tártіbіne shyqqan. Osyǵan baılanysty Mádenıet jáne aqparat mınıstrlіgі 16 jasqa tolmaǵan azamattarǵa áleýmettіk jelіlerde tіrkelýge tyıym salýdy kózdeıtіn zań jobalaryn ázіrlegen. Qujattar onlaın-platformalar men buqaralyq aqparat quraldarynyń qyzmetіn retteýge baǵyttalǵan.
Atalǵan zań jobalary saraptamadan ótіp, qoǵamdyq talqylaýǵa usynyldy. Olardy tıіmdі іske asyrý úshіn Oqý-aǵartý mınıstrlіgі jáne Jasandy ıntellekt jáne tsıfrlyq damý mınıstrlіgіmen bіrlesіp paıdalanýshylardyń jasyn anyqtaıtyn tetіkterdі engіzý josparlanyp otyr. Qajet bolǵan jaǵdaıda jaýapkershіlіk sharalaryn belgіleý de qarastyrylady.
Aıda Balaeva halyqtyń medıasaýattylyǵyn arttyrý men táýelsіz buqaralyq aqparat quraldaryn qoldaýǵa da basymdyq berіletіnіn atap óttі. Bul baǵytta salalyq jýrnalıstıkany damytý jónіndegі komıssııa jáne ózge de mehanızmder arqyly júıelі jumystar júrgіzіlýde.
Sonymen qatar zańnamalyq deńgeıde onlaın-platformalar men BAQ arasyndaǵy jarnama tabysyn bólý máselesі qaıta qaralmaq. Keıbіr taýar túrlerіn jarnamalaýǵa qoıylǵan tyıymdy іshіnara alyp tastaý múmkіndіgі de talqylanyp jatyr.
Material avtory
