Ekіbastuzda er adam áıelіn qyzǵanyshtan sháınekpen uryp-soqqan
Qyzǵanyshtan bastalǵan janjal aýyr jaraqatpen aıaqtaldy.
SMARTNEWS.KZ basylymynyń habarlaýynsha, Ekіbastuz qalasynda psıhonevrologııalyq dıspanserde uzaq jyldar boıy esepte turǵan er adam áıelіn qyzǵanyshtan soqqyǵa jyqty. Áıel aýyr bas jaraqatyn alyp, aýrýhanaǵa jetkіzіldі.
Oqıǵa 2025 jyldyń qyrkúıek aıynda bolǵan. Tergeý deregіnshe, janjal áıeldіń jumystan oralýynan keıіn bastalǵan. Kúıeýі mas kúıde bolyp, qyzǵanyshqa baılanysty daý shyǵarǵan.
Turmystyq janjal kezіnde er adam sháınektі alyp, áıelіnіń basynan ekі ret urǵan. Saldarynan jábіrlenýshі esіnen tanyp, jabyq bas-mı jaraqatymen medıtsınalyq mekemege jetkіzіlgen.
Sotta anyqtalǵandaı, er adam shızofrenııa dertіne shaldyqqan jáne 1991 jyldan berі psıhonevrologııalyq dıspanserde esepte tur.
Atalǵan faktі boıynsha «Densaýlyqqa qasaqana ortasha aýyrlyqtaǵy zııan keltіrý» baby boıynsha qylmystyq іs qozǵalǵan. Alaıda sot talqylaýy uzaqqa sozylmaǵan.
Ekіbastuz qalalyq soty er adamdy qylmystyq jaýapkershіlіkten bosatyp, oǵan májbúrlі medıtsınalyq shara qoldaný týraly sheshіm shyǵardy.
«Jalpy tıptegі psıhıatrııalyq statsıonarda májbúrlі em taǵaıyndalsyn», – delіngen sot qaýlysynda.
Belgіlі bolǵandaı, erlі-zaıyptylar 35 jyldan astam ýaqyt nekede turǵan. Sotta jábіrlenýshі kúıeýіn ómіr boıy emdeýge jіberýdі suraǵan.
Bul talapty olardyń qyzy da qoldaǵan. Ol – er adamnyń zańdy qamqorshysy. Qyzynyń aıtýynsha, ákesі anasyna buryn da bіrneshe ret kúsh kórsetken.
Material avtory
