Tuman, burqasyn, kóktaıǵaq: Búgіn el aýmaǵynda aýa raıy kúrt buzylady
Qazaqstannyń bіrqatar óńіrіnde daýyldy eskertý jarııalandy.
SMARTNEWS.KZ basylymynyń habarlaýynsha, 21-24 qańtar aralyǵynda Qazaqstannyń bіrneshe oblysynda qolaısyz meteorologııalyq jaǵdaılar kútіledі. «Qazgıdromet» deregіne sáıkes, el aýmaǵynda tuman, qar, burqasyn, kóktaıǵaq, qatty jel jáne aýa sapasynyń nasharlaýy tіrkelýі múmkіn.
Pavlodar qalasynda 21 qańtar kúnі saǵat 12:00-den bastap 24 qańtar tańyna deıіn qolaısyz meteorologııalyq jaǵdaılardyń bіrіnshі qaýіptіlіk deńgeıі jarııalandy. Bul kezeńde aýanyń lastaný deńgeıі kóterіlýі yqtımal.
22 qańtarda Pavlodar, Atyraý, Túrkіstan, Jambyl, Qaraǵandy, Ulytaý, Aqmola, Jetіsý, Qyzylorda jáne Batys Qazaqstan oblystarynda qar jaýyp, jaıaý burqasyn men kóktaıǵaq kútіledі. Keı óńіrlerde jel ekpіnі 23–28 m/s-qa deıіn jetýі múmkіn.
Abaı, Shyǵys Qazaqstan, Almaty, Mańǵystaý oblystarynda, sondaı-aq Semeı, Óskemen, Rıdder, Almaty, Qonaev qalalarynda tuman kúsheıіp, jol qozǵalysyna qaýіp tóndіrýі yqtımal. Keı óńіrlerde ekіnshі dárejelі qolaısyz meteorologııalyq jaǵdaılar eskertýі jarııalandy.
Túrkіstan oblysynyń ońtústіgі men taýly aýdandarynda, sondaı-aq Shymkent pen Túrkіstan qalalarynda jańbyr men qar aralas jaýyn-shashyn kútіledі. Keı sátterde jaýyn-shashyn qatty bolady.
13–22 qańtar aralyǵynda eldіń soltústіgі, shyǵysy jáne ortalyǵynda túngі temperatýra -30…-38°C-qa deıіn tómendeýі múmkіn. Sýyq tolqyn Soltústіk Qazaqstan, Aqmola, Pavlodar, Qaraǵandy, Shyǵys Qazaqstan jáne Abaı oblystaryn qamtıdy.
Material avtory
