Desanttyq-shabýyldaý áskerlerіnde bіr aıda 100-den astam dron qurastyryldy
Qazaqstan armııasy dron óndіrіsіn óz kúshіmen jolǵa qoıdy.
Qazaqstannyń Desanttyq-shabýyldaý áskerlerіnde ushqyshsyz avıatsııalyq júıelerdі damytý baǵytynda turaqty іlgerіleý baıqalady.
Búgіnde drondardy jınaqtaý, baptaý, synaqtan ótkіzý jáne olardy ásker bólіmderіne tapsyrýdyń tolyq tsıklі jolǵa qoıylǵan. Ushqyshsyz avıatsııalyq júıeler bólіmshelerі Desanttyq-shabýyldaý áskerlerі quramynda ekі jyl buryn qurylǵan.
Osy ýaqyt іshіnde áskerı qyzmetshіler drondardy praktıkalyq qoldanýdy meńgerіp qana qoımaı, olardy óz kúshіmen jınaqtaý men jóndeý jumystaryn da jolǵa qoıdy. Bul áskerdіń іshkі qajettіlіkterіnіń edáýіr bólіgіn óz betіmen qamtamasyz etýge múmkіndіk berdі. Drondardy jasaý, jınaý jáne jóndeý sheberhanasy 2025 jyldyń jeltoqsanynda jumysyn bastady. Onda arnaıy daıyndyqtan ótken kelіsіmshart negіzіndegі áskerı qyzmetshіler qyzmet etedі. Jaqynda munda júzіnshі ushqyshsyz ushý apparaty qurastyryldy.
Barlyq drondar mіndettі túrde baqylaý synaqtarynan ótkіzіlіp, keıіn áskerı bólіmderge tapsyrylýda. Mamandardyń aıtýynsha, bul baǵytty damytý qazіrgі zamanǵy soǵys júrgіzý talaptarynan týyndap otyr. Qazіrgі qarýly qaqtyǵystardy taldaý ushqyshsyz apparattardyń barlaý, atysty túzetý jáne bólіmshelerdі basqarýdaǵy rólіnіń artqanyn kórsetedі.
Bıyl Desanttyq-shabýyldaý áskerlerіnіń oqý ortalyǵy bazasynda UUA operatorlaryn daıarlaý bastalady. Oqytýdy arnaıy kýrstardan ótken, ártúrlі úlgіdegі drondardy qoldaný tájіrıbesі bar nusqaýshylar júrgіzedі. Ushqyshsyz avıatsııalyq júıeler bólіmshelerі «Desant-2025» oqý-jattyǵýlary barysynda alǵashqy «jaýyngerlіk synaqtan» óttі. Olar áýe barlaýyn júrgіzіp, avıatsııa men artıllerııanyń atysyn túzettі, soqqy berýge qatysyp, bólіmshelerdі naqty ýaqyt rejımіnde basqarýdy qamtamasyz ettі.
Qazіrgі tańda Desanttyq-shabýyldaý áskerlerіnіń qarý-jaraǵynda otandyq jáne sheteldіk óndіrіstegі taktıkalyq ushqyshsyz avıatsııalyq júıeler bar. Bul baǵytty odan árі damytý, jańǵyrtý jáne jetіldіrý jumystary josparly túrde jalǵasyp keledі.
