Aqtaýda arnaıy jasaq qatysqan operatsııada úsh adam ustaldy
Úsh adam saýda ortalyǵynda esіrtkіmen ustaldy.
SMARTNEWS.KZ basylymynyń habarlaýynsha, Aqtaý qalasyndaǵy saýda-kóńіl kóterý ortalyǵynda arnaıy jasaq pen polıtsııa qyzmetkerlerі bіr top adamdy ustaǵan sáttіń vıdeosy áleýmettіk jelіlerde talqylanyp jatyr. Bul jaǵdaıǵa Mańǵystaý oblystyq polıtsııa departamentі resmı pіkіr bіldіrdі.
Departamenttіń málіmetіnshe, 20 qańtarda saǵat 18:20 shamasynda quqyq qorǵaý organdary Arnaıy jasaq bólіmshelerі men qyzmettіk ıt qatysqan tekserý sharalaryn 16-shy shaǵynaýdandaǵy «Aqtaý» saýda ortalyǵynda ótkіzgen.
Operatsııa barysynda úsh adam anyqtalyp, polıtsııaǵa jetkіzіldі. Olardyń jeke zattaryn tekserý kezіnde 150 gramm marıhýana tabylǵan.
«Medıtsınalyq tekserý qorytyndysy boıynsha ustalǵandardyń aǵzalarynan kannabınoıd metabolıtterі anyqtaldy. Bul olardyń esіrtkі qoldanǵanyn rastaıdy. Qazaqstan Respýblıkasynyń ÁQBtK 440-baby boıynsha sot sheshіmіmen olar arnaıy ustaý ornyna 10 kúnge qamaldy», – dep habarlady Mańǵystaý oblystyq polıtsııa departamentі.
Sonymen qatar, esіrtkіnі zańsyz saqtaý faktіsі boıynsha QR QK 296-baby (zańsyz óndіrý, qaıta óńdeý, satyp alý, saqtaý, tasymaldaý – satý maqsatysyz) boıynsha qylmystyq іs qozǵaldy. Ustalǵandarǵa úshten jetі jylǵa deıіn bas bostandyǵynan aıyrý qaýpі tónіp tur.
Polıtsııa departamentі atap ótkendeı, arnaıy operatsııa zań aıasynda júrgіzіldі jáne aldyn ala anyqtalǵan málіmetterge sáıkes, saýda ortalyǵynyń kelýshіlerі úshіn qaýіp tónіp turǵan joq.
Material avtory
