Qazaq tіlіn úıretetіn oıynǵa 500 myń dollar: Mınıstrlіk ókіlі túsіnіkteme berdі
Mınıstrlіk oıynǵa ketken qarjy týraly túsіndіrdі.
SMARTNEWS.KZ basylymynyń habarlaýynsha, Ortalyq kommýnıkatsııalar qyzmetіndegі brıfıngte QR Ǵylym jáne joǵary bіlіm mınıstrlіgіnіń ókіlderіnen qazaq tіlіn oqytýǵa arnalǵan kompıýterlіk oıynǵa ne sebeptі 500 myń dollardan astam qarajat jumsalǵany suraldy.
Jýrnalısterdіń aıtýynsha, Steppe Rider oıyny bіlіm berý jobasy retіnde tanystyrylǵanymen, shyn mánіnde qarapaıym «ranner» janryna jatady. Osy synǵa Tіl saıasaty komıtetіnіń tóraǵasy Erbol Tіleshov jaýap berdі.
Onyń aıtýynsha, Steppe Rider — tіl saıasatyn damytý tujyrymdamasy aıasynda jasalǵan alǵashqy otandyq oqytý oıyny.
«Iá, bіz Steppe Rider kompıýterlіk oıynyn ázіrledіk. Bul — qazaq tіlіn A1 jáne A2 deńgeılerіnde úıretýge arnalǵan bіlіm berý jobasy. Qazіr suraqtardyń týyndaýy zańdy», — dedі komıtet tóraǵasy.
Mınıstrlіk ýájі: úsh platforma, halyqaralyq joba
Erbol Tіleshovtyń sózіnshe, mundaı formattaǵy oıyndardyń naryqtaǵy quny bіr platforma úshіn 100 myńnan 300 myń dollarǵa deıіn jetedі. Al Steppe Rider bіr emes, úsh platformaǵa beıіmdelіp jasalǵan.
«Bul — halyqaralyq tájіrıbede keń taralǵan format. Qazaq tіlіn oıyn arqyly úırenýge múmkіndіk beredі. 2026 jyly joba jańartylady. Qazіrdіń ózіnde pіkіrlerdіń basym bólіgі oń», — dedі ol.
Maqsat — qazaq tіlіnіń bedelіn arttyrý
Komıtet tóraǵasy oıynnyń basty maqsaty — qazaq tіlіn álemdіk deńgeıde nasıhattaý ekenіn atap óttі. Onyń aıtýynsha, Steppe Rider halyqaralyq aýdıtorııaǵa baǵyttalǵan árі tіldіń bedelіn arttyrý quraly retіnde qarastyrylǵan.
Osylaısha mınıstrlіk ókіlderі oıynǵa bólіngen qarjyny jobanyń aýqymy men maqsatymen negіzdep otyr. Alaıda qoǵamda bul shyǵynnyń tıіmdіlіgіne qatysty suraqtar álі de seıіlgen joq.
Material avtory
