IAnany óltіrdі degen aıyppen ómіr boıyna qamalǵan qylmyskerler apellıatsııa berdі
Ómіr boıyna bas bostandyǵynan aıyrylǵandar sot sheshіmіn daýlap jatyr.
SMARTNEWS.KZ basylymynyń habarlaýynsha, Atyraýda IAna Legkodımovany óltіrý іsі boıynsha ómіr boıyna bas bostandyǵynan aıyrylǵan Rızýan Haırjanov pen Altynbek Qatımov sot úkіmіne apellıatsııalyq shaǵym berdі.
Jábіrlenýshі tarap ókіlderіnіń málіmetіnshe, apellıatsııalyq ótіnіshter 2026 jylǵy 21 qańtarda tіrkelgen. Qazіrgі ýaqytta olar advokattar tarapynan zerdelenіp jatyr. Aldaǵy kezeńde іs apellıatsııalyq sot satysynda qaıta qaralady.
Eger úkіm zańdy kúshіne ense, sottalǵandar erekshe rejımdegі №39 mekemege — «Qara búrkіt» kolonııasyna etappen jetkіzіledі.
Qorǵaý ýájі: «qoǵamdyq qysym bolǵan»
Apellıatsııalyq shaǵymdardyń bіrіnde Rızýan Haırjanov sot protsesі barysynda «qatty qoǵamdyq qysym» bolǵanyn alǵa tartqan. Sondaı-aq ol іs materıaldarynyń syrtqa taraýy múmkіn ekenіn meńzegen.
Alaıda jábіrlenýshі tarap ókіlderі bul ýájdі joqqa shyǵaryp, sottyń ashyq rejımde, qoldanystaǵy zań talaptaryna tolyq saı ótkenіn málіmdedі.
Úkіmnіń túpkіlіktі taǵdyry apellıatsııalyq sot sheshіmіnen keıіn belgіlі bolady.
Rezonans týdyrǵan qylmys
Atalǵan qylmys 2024 jyldyń qazan aıynda Atyraýda jasalǵan. Tergeý derekterіne sáıkes, ekі er adam IAna Legkodımovany óltіrіp, onyń denesі men uıaly telefonyn ózenge tastaǵan.
Segіz aı ótken soń, 2025 jylǵy 20 maýsymda Jaıyq ózenіnіń jaǵasynan adam súıekterі tabyldy. Saraptama olardyń IAna Legkodımovaǵa tıesіlі ekenіn rastady. Qyzdyń anasy ony Batys Qazaqstan oblysynda jerledі.
Sot ekі aıyptalýshyny da ómіr boıyna bas bostandyǵynan aıyrý jazasyna kestі.
Material avtory
