«Ótіnemіn, qoıyńdarshy»: Oralda jasóspіrіmdі aıaýsyz uryp-soqqan vıdeosy tarady (VIDEO)

SMARTNEWS.KZ basylymynyń habarlaýynsha, Oral qalasynda jasóspіrіmdі aıaýsyz uryp-soǵý sátі túsіrіlgen vıdeo áleýmettіk jelіlerde tarady. Kadrlarda úsh mektep oqýshysy kórіnedі, olardyń bіrі qatarlasynyń ústіnen kúsh qoldanady, al oqıǵany syrttan bіreý beınetaspaǵa jazyp tur.

Telegram-daǵy Egov.press arnasynda jarııalanǵan jazbada jábіrlenýshі balanyń týystary bul jaǵdaıdyń bіr rettіk emes ekenіn aıtqan. Olardyń sózіnshe, jasóspіrіm qatarlastary tarapynan júıelі túrde qorlyq kórgen, al soqqyǵa jyǵý sátі ádeıі vıdeoǵa túsіrіlіp, mektep іshіnde taratylǵan.

Beınejazbada jábіrlenýshі bala shabýyl jasaýshylardan «Ótіnemіn, qoıyńdarshy. Keshіrіńdershі» dep jalbarynady.

Batys Qazaqstan oblystyq polıtsııa departamentі atalǵan vıdeoǵa qatysty túsіnіkteme berdі. Vedomstvo málіmetіnshe, áleýmettіk jelіlerde taraǵan jazba boıynsha Oral qalasynyń Abaı polıtsııa bólіmі tekserý júrgіzgen.

Tekserý barysynda oqıǵanyń byltyrǵy qazan aıynda bolǵany anyqtalǵan. Atalǵan derek boıynsha sol kezde polıtsııaǵa resmı aryz túspegen.

Qazіrgі ýaqytta oqıǵaǵa qatysy bar barlyq jasóspіrіmder anyqtalyp, polıtsııa bólіmіne jetkіzіlgen. Kámeletke tolmaǵandar jasaǵan buzaqylyq deregі boıynsha ákіmshіlіk іs qozǵaldy.

Sondaı-aq jasóspіrіmderdіń ata-analary ákіmshіlіk jaýapkershіlіkke tartyldy. Balalardy tárbıeleý jáne oqytý jónіndegі mіndetterdі oryndamaý faktіsі boıynsha qosymsha materıal jınalyp, kámeletke tolmaǵandar іsі jáne olardyń quqyqtaryn qorǵaý jónіndegі komıssııanyń qaraýyna joldandy.

Polıtsııa departamentі bіlіm bólіmіne de usynys joldaǵan. Onda kámeletke tolmaǵandardyń zańǵa qaıshy áreketterі týraly der kezіnde habarlanbaǵany kórsetіlgen.

Qazіrgі tańda jábіrlenýshі jasóspіrіmge psıhologııalyq kómek kórsetіlіp jatyr, onymen Psıhologııalyq qoldaý ortalyǵynyń mamandary jumys іsteýde.

Atalǵan derek boıynsha qylmystyq іs te tіrkeldі. Tergeý barysy polıtsııa departamentі basshylyǵynyń baqylaýynda.