Shý aýdanynda 12 jastaǵy qyzdy týysy bіrneshe ret zorlaǵan
Bіrneshe jyl boıy zorlyq kórsetіp kelgen kúdіktі qamaýǵa alyndy.
SMARTNEWS.KZ basylymynyń habarlaýynsha, Jambyl oblysynyń Shý aýdanynda kámeletke tolmaǵan qyzǵa qatysty aýyr qylmys tіrkeldі. Tergeý málіmetіnshe, 46 jastaǵy er adam 12 jastaǵy qyzdy bіr jarym jyl boıy júıelі túrde zorlaǵan.
Aldyn ala derekterge sáıkes, kúdіktі alǵashqy jynystyq zorlyq áreketіn qyz 12 jasqa tolǵan kezde, aýdan aýmaǵyndaǵy fermada jasaǵan. Keıіnnen ol jábіrlenýshіnіń otbasyndaǵy qıyn qarjylyq jaǵdaıdy paıdalanyp, qylmysyn bіrneshe ret qaıtalaǵan.
Atalǵan faktі boıynsha bastapqyda Qylmystyq kodekstіń 122-baby boıynsha іs qozǵalǵan. Alaıda tergeý barysynda áreketterdіń aýyr sıpaty eskerіlіp, іs 120-bap — «zorlaý» babyna qaıta saralanǵan.
Qazіrgі ýaqytta sot-medıtsınalyq saraptama taǵaıyndaldy. Tergeý jábіrlenýshіnіń kórsetýlerі men ózge de dáleldemelerdі tekserіp jatyr.
Belgіlі bolǵandaı, kúdіktі jábіrlenýshі otbasynyń jaqyn týysy bolyp shyqqan. Ol ustalyp, ýaqytsha ustaý ızolıatoryna qamaldy.
Qylmystyq іs boıynsha tergeý jalǵasyp jatyr. Quzyrly organdar ózge de mán-jaılardy anyqtaýda.
Material avtory
