Atyraýda zeınetker jedel járdem feldsherlerіn urdy (VIDEO)
Áıeldі syrtqa polıtsııa alyp shyqty.
SMARTNEWS.KZ basylymynyń habarlaýynsha, Atyraýda jedel járdem feldsherlerіne qol kótergen zeınetkerge baılanysty vıdeo áleýmettіk jelіde qyzý talqylanýda. Kadrlarda polıtsııa qyzmetkerlerі men medıtsına mamandary egde jastaǵy áıeldі podezden kóterіp alyp shyǵyp jatqanyn kórýge bolady.
Oblystyq densaýlyq saqtaý basqarmasynyń málіmetіnshe, oqıǵa 20 qańtarda bolǵan. 70 jastaǵy áıeldіń jaǵdaıyna alańdaǵan kórshіsі jedel qyzmetterge habarlasqan.
Oqıǵa ornyna jetken jedel járdem brıgadasy patsıenttіń aýyr psıhoemotsıonaldyq kúıde ekenіn anyqtaǵan. Dárіgerlerdіń aıtýynsha, áıel agressııa tanytyp, feldsherlerge qol jumsaǵan.
Medıtsına qyzmetkerlerіnіń qaýіpsіzdіgіne qater tónýіne baılanysty polıtsııa shaqyrylǵan. Mamandar áıeldі baqylaýsyz úıde qaldyrýǵa bolmaıdy degen sheshіmge kelgen.
Quqyq qorǵaý organdary kelgen soń, zeınetker jedel járdem kólіgіne eń qaýіpsіz tásіlmen jetkіzіlgen.
Material avtory
