Býrabaıda qonaqúı qyzmetkerі alaıaqtarǵa 8 mln teńge berіp qoıǵan
Qonaqúı qyzmetkerі árіptesterіnіń atyna nesıe rásіmdep, alaıaqtarǵa aýdarǵan.
SMARTNEWS.KZ basylymynyń habarlaýynsha, Aqmola oblysynda Býrabaı aýdandyq polıtsııa bólіmі qonaqúı qyzmetkerіne qatysty alaıaqtyq deregі boıynsha tergeý júrgіzіp jatyr. Bul týraly óńіrlіk polıtsııa departamentі habarlady.
Jábіrlenýshі — jergіlіktі qonaqúılerdіń bіrіnde jumys іsteıtіn 50 jastaǵy áıel. Ol ınternettegі jalǵan ınvestıtsııalyq platformaǵa senіp, joǵary tabys ýáde etken alaıaqtarǵa 8 mln teńge aýdarǵan.
Polıtsııa málіmetіnshe, áıel aldymen óz atyna 2 mln teńge kólemіnde nesıe rásіmdegen. Keıіn taǵy 6 mln teńgenі ekі árіptesіnіń atyna nesıe retіnde alǵan. Nátıjesіnde, ýáde etіlgen «dıvıdendtіń» ornyna bіrneshe banktіk qaryzdy óteýge májbúr bolyp otyr.
Qazіrgі tańda atalǵan fakt boıynsha sotqa deıіngі tergep-tekserý bastaldy. Quqyq qorǵaý organdary jedel-іzdestіrý sharalaryn júrgіzýde.
Polıtsııa azamattardy kúmándі ınvestıtsııalyq usynystarǵa senbeýge jáne qarjylyq sheshіm qabyldamas buryn aqparatty muqııat tekserýge shaqyrdy.
Material avtory
