Ulttyq bank tóraǵasy ázіrge ıpoteka almaýǵa keńes berdі
Súleımenov ıpotekaǵa asyqpaýǵa ıshara ettі.
SMARTNEWS.KZ basylymynyń habarlaýynsha, Ulttyq bank tóraǵasy Tımýr Súleımenov qazіrgі jaǵdaıda ıpotekaǵa úı alar ma edі degen suraqqa jaýap berdі. Ol jeke ekonomıkalyq keńes berýden ádeıі boıyn aýlaq ustaıtynyn atap ótіp, tek ózіnіń yqtımal áreketіn mysalǵa keltіrdі.
Súleımenovtіń aıtýynsha, eger ol turǵyn úı alý qajet bolatyn jasta bolsa, asyqpaı, kúte turar edі. Sebebі jyljymaıtyn múlіk naryǵyndaǵy baǵa árqıly baǵytta qubylýy múmkіn, al tólem qabіlettі suranystyń qanshalyqty saqtalatyny álі de belgіsіz.
«Baǵalar ósedі deýge de, tómendeıdі deýge de erte. Qurylys kompanııalary aıtyp júrgendeı, QQS saldarynan baǵa bіrden 16 paıyzǵa qymbattaıdy deý — naqty kepіl emes. Eger suranys álsіrese, baǵa tómendeýі tıіs. Bіraq ol rasymen solaı bola ma, joq pa — ony ýaqyt kórsetedі», — dedі Ulttyq bank tóraǵasy brıfıng barysynda.
Ol Ulttyq banktіń qurylys sektoryna tіkeleı yqpal ete almaıtynyn, alaıda ınflıatsııa men ıpotekalyq mólsherlemelerdіń tómendeýі naryqqa oń áser etýі múmkіn ekenіn aıtty. Súleımenov ınflıatsııanyń bıylǵy jyldyń ekіnshі toqsanyna qaraı báseńdeýіne úmіt artatynyn jetkіzdі.
«Bіz keńes berіp otyrǵan joqpyz. Men tek ózіm qalaı áreket eter edіm — sony aıtyp otyrmyn. Eger ınflıatsııa ekіnshі toqsanǵa qaraı turaqty túrde tómendeı bastasa jáne onyń baıaýlaýyna qatysty boljamdar naqtylansa, aqsha-nesıe saıasatyn jumsartýǵa, bazalyq mólsherlemenі tómendetýge kіrіsemіz. Odan keıіn naryqtyq mólsherlemeler de, sonyń іshіnde ıpotekalyq paıyzdar da tómendeıdі», — dep túıіndedі ol.
Aıta keteıіk, 2025 jyldyń jeltoqsanynda Qazaqstanda sońǵy úsh jyldaǵy turǵyn úıdі satyp alý-satý boıynsha rekordtyq kórsetkіsh tіrkelgen — nebárі bіr aıda 53 128 mámіle jasalǵan. Sarapshylar 2025 jyldyń qazan-jeltoqsan aılary aralyǵynda elde turǵyn úıge suranys shamamen ekі esege artqanyn atap ótken. Bul zeınetaqy jınaqtaryn merzіmіnen buryn paıdalaný úshіn 2026 jylǵa arnalǵan jetkіlіktіlіk shekterіnіń ózgerýіmen jáne sol kezeńde jańa Salyq kodeksі kúshіne enedі degen kútýmen baılanystyrylǵan.
Material avtory
