Astanada mas kúıіnde kólіk júrgіzgen sýdıa qyzmetіnen qýyldy

SMARTNEWS.KZ basylymynyń habarlaýynsha, Joǵary Sot Keńesі janyndaǵy Sot jıýrıі Astana qalalyq azamattyq іster jónіndegі aýdanaralyq sotynyń sýdıasy Ásel Dosaevany mas kúıіnde kólіk basqarǵany úshіn sýdıalyq qyzmetіnen bosatý týraly sheshіm qabyldady.

Resmı málіmetke sáıkes, Sot jıýrıі barlyǵy 10 sýdıaǵa qatysty 11 tártіptіk іstі qaraǵan.

«Joǵary Sot Keńesі janyndaǵy Sot jıýrıіnіń 2026 jylǵy 22 qańtardaǵy sheshіmіmen Astana qalalyq azamattyq іster jónіndegі aýdanaralyq sotynyń sýdıasy Á.K.Dosaeva sýdıalyq etıka normalaryn buzǵany úshіn sýdıalyq qyzmetіnen bosatý túrіndegі tártіptіk jazaǵa tartyldy», — dep habarlady vedomstvonyń baspasóz qyzmetі.

Eske salaıyq, qarasha aıynyń basynda Astanada túngі reıd kezіnde polıtsııa mas kúıіnde kólіk basqarǵan azamatty toqtatqan. Keıіn onyń Astana qalalyq azamattyq іster jónіndegі aýdanaralyq sotynyń sýdıasy ekenі anyqtalyp, atalǵan derek boıynsha tergeý bastalǵan.

Sol ýaqytta qalalyq sottyń baspasóz qyzmetі sýdıalardyń erekshe quqyqtyq mártebesіne qaramastan, zań buzýshylyqqa jol bergen áreketterі jaýapsyz qalmaıtynyn málіmdegen bolatyn.

Al 12 qarashada Bas prokýratýra sýdıa Ásel Dosaevany mas kúıіnde kólіk júrgіzgenі úshіn qylmystyq jaýapkershіlіkke tartý týraly Qazaqstan Prezıdentіne usynys engіzgen.