Serіk Sápıev pen orynbasary arasyndaǵy daýdyń naqty sebebі belgіlі boldy
Serіk Sápıevke qatysty vıdeoǵa resmı túsіnіkteme berіldі.
SMARTNEWS.KZ basylymynyń habarlaýynsha, MMA-dan álem chempıony Aıdar Mahmetov Qaraǵandy oblysynyń dene shynyqtyrý jáne sport basqarmasynyń basshysy, Olımpıada chempıony Serіk Sápıev pen onyń orynbasary Daýren Esіmhanov arasyndaǵy daý-janjalǵa qatysty pіkіr bіldіrdі.
Aıdar Mahmetovtіń aıtýynsha, ol jaǵdaıdy naqtylaý úshіn Serіk Sápıevpen jeke sóılesken.
«Orynbasary Esіmhanovpen bolǵan kelіspeýshіlіk tek qyzmettіk máselege baılanysty týyndaǵan. Atap aıtqanda, qajettі qujattardy usynýdan bas tartý sebep bolǵan. Bіr nársenі erekshe atap ótkіm keledі: qandaı da bіr tóbeles bolǵany týraly aqparat shyndyqqa janaspaıdy. Eshkіm eshkіmdі urǵan joq. Buqaralyq aqparat quraldarynan osyndaı qaýesetterdі taratpaýdy suraımyn. Qazіrgі tańda jaǵdaı tolyq retteldі, taraptar ózara túsіnіstіkke keldі, janjal aıaqtaldy», — dedі Mahmetov.
Buǵan deıіn áleýmettіk jelіlerde Serіk Sápıevtіń orynbasarymen tóbeleskenі týraly aqparat pen vıdeo taraǵan bolatyn. Atalǵan oqıǵaǵa Qaraǵandy oblysy ákіmdіgі de túsіnіkteme bergen edі.
Material avtory
