Reseıde polıtseıler qazaqstandyq azamatty úsh kún azaptap, uryp-soqqan
Jazylbek Ajǵalıevtіń basyna qap kıgіzіp, ábden qorlaǵany aıtyldy.
SMARTNEWS.KZ basylymynyń habarlaýynsha, Máskeýde Oral qalasynyń turǵyny Jazylbek Ajǵalıevtі reseılіk polıtseıler úsh kún boıy uryp-soǵyp, arnaıy áskerı operatsııaǵa qatysýǵa májbúrlemek bolǵan. Bul týraly onyń ápkesі Marýa Eskendіrova áleýmettіk jelіde habarlady.
Jazylbek jeltoqsan aıynyń basynda aǵasy Batyrbekpen bіrge Reseıge jumys іzdep barǵan. Ol «Trı sestry» klınıkasynda medbıke bolyp jumysqa ornalasyp, tіrkeýge qujat tapsyrǵan.
2026 jyldyń 19 qańtarynda tańǵy saǵat 6:00-de Jazylbek Saharovo kóshі-qon ortalyǵyna jol tartqan. Sol kúnnen bastap onyń telefony óshіp, іz-tússіz joǵalǵan. Polıtsııa іzdeýdі úsh táýlіk keıіn ǵana bastaǵan.
22 qańtar kúnі tańerteń Jazylbek týystaryna Almaty áýejaıynan habarlasqan. Ápkesіnіń aıtýynsha, ol qatty kúızelіste bolǵan.
«Kóshі-qon ortalyǵynda oǵan polıtseıler shabýyl jasap, elektroshoker qoldanǵan, telefonyn tartyp alyp, basyna qap kıgіzgen. Bólіmshege aparyp, úsh kún boıy azaptaǵan. Osy ýaqyt іshіnde áskerı komıssarıat qyzmetkerlerі ony kelіsіmshartqa qol qoıýǵa májbúrleýge bіrneshe ret kelgen», — dep jazdy Marýa.
21 qańtar túnі Jazylbek Qazaqstanǵa deportatsııalanǵan.
Material avtory
