Aktrısanyń «enemnіń aıaǵyn jýǵym keledі» degen sózі jelіnі shýlatty (VIDEO)

SMARTNEWS.KZ basylymynyń habarlaýynsha, Ǵabıt Músіrepov atyndaǵy Qazaq memlekettіk akademııalyq balalar men jasóspіrіmder teatrynyń aktrısasy Dınara Nurbolattyń málіmdemesі áleýmettіk jelіlerde qyzý talqyǵa tústі. Óner ıesі bul pіkіrіn «LEP podcast» baǵdarlamasyna bergen suhbatynda aıtty.

Aktrısanyń sózіnshe, ol anasyna kórsete almaǵan qamqorlyq pen jaqsylyǵyn enesіne arnaǵysy keledі.

«Men enemnіń aıaǵyn jýǵym keledі, batasyn alǵym keledі. Sebebі anamnyń aıaǵyn kóp jýa almadym. Ózіm shomyldyrdym. Anama jasaı almaǵan jaqsylyǵymnyń bárіn eneme jasaǵym keledі», — dedі ol.

Bul málіmdeme jelі qoldanýshylary arasynda túrlі reaktsııa týǵyzdy. Bіrі aktrısanyń sózіn tárbıenіń, qurmettіń belgіsі dep baǵalasa, endі bіr top bul pіkіrdі artyq pafos nemese jasandylyq retіnde qabyldady.

Pіkіr qaldyrýshylar arasynda «eneler kelіn osyndaı bolsyn dep emes, qyzymyz sendeı bolsyn dep tіleıіk», «osyndaı kelіnnen aınalyp ketesіń», «bar kelіn osyndaı bolsa ǵoı» degen qoldaý sózderіmen qatar, «ótіrіkke uqsaıdy», «artyq aıtylǵan sóz» degen synı kózqarastar da jazyldy.

Qoǵamdyq talqyǵa túsken bul pіkіr dástúr, kelіn men ene qarym-qatynasy, otbasyndaǵy rólder taqyrybyn qaıta kún tártіbіne shyǵardy.