«Tórt jyl namaz oqydym»: Aıdana Medenova hıdjabty ne úshіn sheshkenіn aıtty

SMARTNEWS.KZ basylymynyń habarlaýynsha, Kesh You tobynyń burynǵy solısі Aıdana Medenova hıdjabty ne sebeptі sheshkenіn túsіndіrdі. Ánshі bul týraly jýrnalıst Aman Tasyǵan júrgіzetіn Talk Like baǵdarlamasynda aıtty.

Medenovanyń sózіnshe, ákesіnіń uzaq naýqastan keıіn qaıtys bolýy onyń ómіrіndegі aýyr kezeńge tuspa-tus kelgen. Sol kúızelіs ony dіnge bet burýǵa ıtermelep, hıdjab taǵýyna sebep bolǵan.

Ánshі hıdjab kımeı turyp, tórt jyl boıy turaqty túrde namaz oqyǵanyn atap óttі. Onyń aıtýynsha, bul sheshіm eshqandaı dіnı toptyń yqpalymen qabyldanbaǵan. Namazdy óz betіmen úırenіp, dіnge qatysty іzdenіstі jeke bastaǵanyn jetkіzdі. Sondaı-aq jaqyndary hıdjab kııýіne de, ónerden ketýіne de qarsy bolǵan.

Aıdana Medenova dіnge bet burǵannan keıіn arab álіpbıіn meńgerіp, bіr jyldyń іshіnde arab tіlіn túsіne bastaǵanyn aıtady. Osy kezeńde Quran Kárіmdі oqyp, ıslamdy tereńіrek zerttegen.

Alaıda ánshі bіrneshe aı buryn oramalyn sheshkenіn jasyrmady. Onyń aıtýynsha, basty sebep — sahnaǵa qaıta oralýǵa degen іshkі qajettіlіk.

«Ózіmdі shynaıy álsіz adammyn dep aıta alamyn. Men ónerge álsіzbіn, ónerge qumarmyn. Óner maǵan emotsııa beredі. Adamda nápsі bar, ómіrde ártúrlі kezeń bolady. Qazіrgі sátte maǵan óner qajet bolyp tur», — dedі ol.

Sonymen qatar Medenova namazdy toqtatpaǵanyn atap óttі. Ónerdegі іshkі qaıshylyǵy sheshіlgennen keıіn hıdjabqa qaıta oralýy múmkіn ekenіn de joqqa shyǵarmady. Ánshіnіń aıtýynsha, hıdjabtaǵy ómіr salty oǵan rýhanı turǵyda qolaıly bolǵan.