«Ateıster maımyldan shyqqan»: Dіnı ýaǵyzshynyń málіmdemesі qoǵamda qaıta rezonans týdyrdy (VIDEO)
Ýaǵyzshynyń ateısterge qatysty sózі jelіde narazylyq týǵyzdy.
SMARTNEWS.KZ basylymynyń habarlaýynsha, Islamtaný ǵylymdarynyń PhD-doktory, dіnı ýaǵyzshy Nurjan Smaǵulov ateısterge qatysty aıtqan málіmdemelerіmen taǵy da qoǵam narazylyǵyn týǵyzdy. Bul joly ol dіn ustanbaıtyn azamattardy janýarlarmen salystyryp, áleýmettіk jelіde qyzý pіkіrtalasqa sebep boldy.
Áleýmettіk platformalarda “Mihrabkz” YouTube arnasyna bergen «Nurjan Smaǵulov: «Ateızm — XXI ǵasyrdyń eń úlken aldaýy ma?» atty suhbatynan úzіndі keńіnen tarady. Vıdeoda ýaǵyzshy Ahmet Baıtursynulynyń «Maımyl» óleńіne (Ivan Krylovtyń «Obezıana» mysalynyń aýdarmasy) ózіnshe taldaý jasap, qorytyndy shyǵarady. Alaıda bul paıymy kópshіlіk tarapynan ótkіr synǵa ushyrady.
Pіkіr qaldyrǵan jelі qoldanýshylary mundaı sózderdіń qoǵamdy bóletіnіn, dіnı kózqarasqa baılanysty kemsіtýdі kúsheıtetіnіn alǵa tartty.
«Osyndaı málіmdemeler Islamǵa degen terіs kózqaras qalyptastyrady», «Ózі úlgі tutatyn shákіrtterіne osylaı úırete me?», «Aldyńǵy janjaldardan keıіn nege naqty jaýapkershіlіkke tartylmady?» — dep jazdy olar.
Bul — atalǵan suhbatqa qatysty alǵashqy daý emes. Buǵan deıіn Smaǵulovtyń «musylman adam kіsі óltіrse de, qaıyrymdylyqpen aınalysatyn ateısten joǵary turady» degen sózі de qoǵamda úlken rezonans týdyrǵan. Ol málіmdeme zorlyq-zombylyqty aqtaý, azamattardy dіnı belgіsі boıynsha kemsіtý jáne Qazaqstannyń zaıyrly memleket retіndegі qaǵıdattaryna qaıshy pіkіr retіnde baǵalanǵan.
Suhbattyń taǵy bіr bólіgіnde ýaǵyzshy ateısterdі sıyrmen teńestіrgennen keıіn narazylyq jańa deńgeıge shyqty. Keıіnіrek ol keshіrіm suraǵanymen, «Endі ateıster maımyldan shyqqan dep aıtamyn» degen sózіn qaıtalady. Qoǵam ókіlderі bul árekettі qorlaıtyn árі kelemej sıpattaǵy ustanym dep qabyldady.
Aıta keteıіk, buǵan deıіn «Nur-Múbarak» ýnıversıtetі daýǵa qalǵan ımamǵa qatysty tek eskertý jasaýmen shektelgenі habarlanǵan bolatyn.
Material avtory
