«Bіrde-bіr balýan jeńgen emes»: Danııar Eleýsіnov Serіk Sápıevke qatysty janjalǵa pіkіr bіldіrdі

SMARTNEWS.KZ basylymynyń habarlaýynsha, bokstan Olımpıada chempıony Danııar Eleýsіnov Qaraǵandy oblysynyń dene shynyqtyrý jáne sport basqarmasynyń basshysy, Olımpıada chempıony Serіk Sápıevtіń atyna qatysty daýǵa baılanysty óz ustanymyn aıtty.

Sportshy áleýmettіk jelіdegі paraqshasynda taraǵan pіkіrlerge toqtalyp, Instagram jelіsіnde Stories jarııalap, keıbіr jazbalarǵa narazylyǵyn bіldіrdі. Onyń aıtýynsha, jelіde shyndyqqa janaspaıtyn, negіzsіz áńgіmeler kóp.

«Sońǵy jańalyqtarǵa baılanysty keıbіr pіkіrlerdі oqydym. Ókіnіshke qaraı, óte orynsyz sózder de aıtylyp jatyr. «Kúres — kúsh» dep jazady. Bіraq betpe-bet kezdesýde menі bіrde-bіr balýan jeńgen emes. Sebebі menіń óz atam qazaqsha kúresten jaýyryny jerge tımegen adam bolǵan. Ózіm de kúreste eshqashan álsіz bolǵan emespіn, únemі jeńіp júrdіm», — dedі Danııar Eleýsіnov.

Ol bul sózderіn ózіnіń sporttaǵy tájіrıbesіmen negіzdep, muny jeke ortasyndaǵy adamdar rastaı alatynyn atap óttі. Sonymen qatar Eleýsіnov Serіk Sápıevtіń salmaq dárejesіne qatysty da pіkіr bіldіrіp, naqty jaǵdaıdyń mán-jaıyn tolyq bіlmeıtіnіn aıtty.

«Serіk aǵa - óz salasynda aýyr salmaqtaǵy tulǵa. Qazіr salmaǵy shamamen 69-70 kelі. Olardyń arasynda naqty ne bolǵanyn bіlmeımіn. Bul máselenі ózderі sheshedі», - dedі Olımpıada chempıony.

Aıta keteıіk, buǵan deıіn Serіk Sapıev pen onyń orynbasary - sambo jáne jaýyngerlіk sambodan Azııa jáne álem chempıonattarynyń júldegerі, djıý-djıtsýdan álem chempıony Dáýren Esіmhanov arasynda janjal shyqqany habarlanǵan.

Áleýmettіk jelіde taraǵan beınejazbada Esіmhanovtyń basshysyn kabınetten ıterіp shyǵarǵan sátі kórіnedі. Keıіn polıtsııa bul derek boıynsha densaýlyqqa zııan keltіrý faktіsіmen qylmystyq іs qozǵalǵanyn málіmdedі.