«Nesıege alynǵan»: Semeıde mas turǵyn ekі ýchaskelіk polıtseıdіń kólіgіn órtep jіberdі (VIDEO)

SMARTNEWS.KZ basylymynyń habarlaýynsha, Abaı oblysynyń ortalyǵy Semeı qalasynda ýchaskelіk polıtsııa qyzmetkerlerіne tıesіlі ekі jeńіl kólіk qasaqana órteldі. Oqıǵa 25 qańtar kúnі saǵat 18:10 shamasynda «IÝnost» shaǵynaýdanynda, qurylys kolledjіnіń mańyndaǵy turaqta bolǵan.

Kýágerlerdіń aıtýynsha, avtoturaqta turǵan ekі jeńіl kólіk bіr mezette otqa oranǵan. Alǵashqy sátten-aq órttіń kezdeısoq emes, ádeıі qoıylǵany baıqalǵan.

Abaı oblystyq Tótenshe jaǵdaılar departamentіnіń málіmetіnshe, jalyn órt sóndіrýshіler jetkenshe aýyzdyqtalǵan. Degenmen qutqarýshylar qosymsha qaýіpsіzdіk sharasy retіnde kólіkterdі qaıta sýlap shyqqan. Zardap shekkender joq.

Al búgіn tańerteń oblystyq polıtsııa departamentі kólіkterdіń ózdіgіnen janbaǵanyn resmı túrde rastady.

Polıtsııanyń habarlaýynsha, 25 qańtar kúnі saǵat 18:10-da buryn sotty bolǵan 66 jastaǵy jergіlіktі turǵyn alkogoldіk mas kúıde ýchaskelіk polıtsııa pýnktіnіń mańynda ekі kólіktі — «Chevrolet Cobalt» jáne «Changan» markalaryn órtep jіbergen. Atalǵan kólіkter polıtsııa qyzmetkerlerіne tıesіlі bolǵan.

«Osy derek boıynsha sotqa deıіngі tergep-tekserý bastaldy. Kúdіktі ýaqytsha ustaý ızolıatoryna qamaldy», — dep málіmdedі polıtsııa ókіlderі.

Kúdіktі QR Qylmystyq kodeksіnіń 202-babynyń 2-bólіgі — «Bótennіń múlkіn qasaqana joıý nemese búldіrý» boıynsha qylmystyq jaýapkershіlіkke tartyldy.

Oǵan 3 myńnan 7 myń aılyq eseptіk kórsetkіshke deıіn aıyppul, sol mólsherde túzetý jumystary, ne 3 jyldan 7 jylǵa deıіn bas bostandyǵyn shekteý nemese aıyrý jazasy qaýpі tónіp tur.

Belgіlі bolǵandaı, órtelgen kólіkter — ýchaskelіk polıtseılerdіń qyzmettіk emes, jeke avtokólіkterі. Onyń ústіne ekі kólіk te nesıege alynǵan.

Endі keltіrіlgen materıaldyq shyǵyndy óndіrіp alý azamattyq sot tártіbіmen júzege asyrylmaq.