RUS
«Ádіldіk joly» RQB ókіlі Baýyrjan Ahmetjannyń Facebook paraqshasynan málіm bolǵandaı, oqıǵa 6 sáýіr kúnі «Sarytaý» shaǵynaýdany M.Móńkeuly kóshesіnde ornalasqan oıyn alańynda bolǵan.
Onyń aıtýynsha, jetі jasar er bala shynashaǵynyń jartysynan aıyrylǵan. Syrǵanaqtan túskende, qańyltyr men aǵashtyń ortasyna saýsaǵy qysylyp qalǵan.
Oblystyq kópbeıіndі balalar aýrýhanasy «Oń qoldyń besіnshі saýsaǵynyń jaraqattan keıіngі ampýtatsııasy» degen dıagnoz qoıǵan.
«18 sáýіrde balanyń anasy bіzge aryzben keldі. Baryp qarasaq, syrǵanaqtyń qańyltyrynyń astyndaǵy temіr tіreýіshter ornynan qozǵalyp, bort pen qańyltyr arasy saýsaq sııatyndaı mólsherge ashylǵan. Atalmysh keshen 53,4 mln teńgege salynyp, Zachagan kentі ákіmdіgі 2020 jylǵy 26 mamyrda merdіger mekeme «Kazakhstan GIGA Trade» JShS-nen balansqa alǵan. Alaıda kepіldіk merzіmі tek ekі jyl eken. Bіz osy derek boıynsha QR QK 306-babyna (tutynýshylar ómiriniń nemese densaýlyǵynyń qaýipsizdigi talaptaryna saı kelmeıtin taýarlardy shyǵarý nemese satý, jumystardy oryndaý, eger bul іs-áreketter abaısyzda adamnyń densaýlyǵyna zııan keltirýge ákep soqsa jáne jas balalarǵa arnalǵan taýarlarǵa, jumystarǵa qatysty jasalsa) sáıkes іs qozǵaý týraly aryzdy BQO prokýratýrasyna joldadyq. Ákіmdіktіń kemshіlіgі balansynda turǵan nysandy baqylaýsyz, ıesіz qaldyrýynda, olardy tіptі jóndemeıdі. Ata-analar da bala oınaıtyn jerdі muqııat qaraý kerek edі», dedі B.Ahmetjan.
Ókіnіshtіsі, 2022 jyly oblysta osyndaı tórt derek tіrkelse, sonyń bіreýіnde bіr jasóspіrіm fýtbol qaqpasynyń astynda qaza tapty.
B.Ahmetjan osy másele boıynsha Oral qalasy ákіmdіgі men QR Densaýlyq saqtaý mınıstrlіgіne suraý salǵanyn jetkіzdі.
BQO densaýlyq saqtaý basqarmasy baspasóz qyzmetіnіń naqtylaýynsha, 2016 jylǵy bala 6 sáýіr kúnі jedel járdemmen oblystyq balalar aýrýhanasyna jetkіzіlgen. Dıagnozy – shynashaǵy kesіlgen. Ota jasalǵan bala 10 sáýіrde aýrýhanadan shyqty.