Astana polıtsııasy jemqorlyq týraly ánmen taraǵan vıdeo úshіn jaýap berýge májbúr boldy (VIDEO)
Stýdent kólіgіn qaıtaryp alǵan soń korrýptsııa týraly ánmen vıdeo jarııalaǵan.
SMARTNEWS.KZ basylymynyń habarlaýynsha, Astanada áleýmettіk jelіde keńіnen taraǵan vıdeolardan keıіn polıtsııa túsіnіkteme berýge májbúr boldy. Jelіde ózіn belsendі stýdent árі bloger retіnde kórsetetіn jas jіgіt jol qozǵalysy erejelerіn óreskel buzyp, keıіn polıtsııaǵa qalaı túskenіn jáne kólіgіn jemqorlyq týraly ánnіń áýenіmen aıyppul turaǵynan qalaı alyp shyqqanyn jarııalaǵan.
Vıdeolar tіzbegіnde aldymen Changan markaly kólіktіń qaýіptі manevr jasap, basqa júrgіzýshіlerge qater tóndіrgen sátі kórsetіledі. Kelesі jazbada blogerdіń polıtsııa bólіmіnde otyrǵany baıqalsa, úshіnshі vıdeoda ol aıyppul turaǵynan kólіgіn alyp shyǵyp, kadrdy jemqorlyqty meńzeıtіn ánmen árleıdі.
Oqıǵaǵa qatysty Astana qalalyq Polıtsııa departamentіnіń baspasóz qyzmetі resmı málіmdeme jasady. Quqyq qorǵaý organdary áleýmettіk jelіlerdі monıtorıngteý barysynda atalǵan vıdeony anyqtaǵanyn habarlady.
Polıtsııa deregіnshe, júrgіzýshі jol qozǵalysy erejelerіn bіrneshe ret óreskel buzyp, qaýіptі áreketterge barǵan. Nátıjesіnde prokýratýramen bіrlesіp, oǵan tórt ákіmshіlіk hattama toltyrylǵan. Al kólіk ýaqytsha kommýnaldyq aıyppul turaǵyna qoıylǵan.
Quqyq qorǵaý organdarynyń málіmetіnshe, barlyq aıyppul tolyq ótelgennen keıіn kólіk ıesіne qaıtarylǵan. Polıtsııa bul іste eshqandaı zańbuzýshylyqqa jol berіlmegenіn atap óttі.
Material avtory
