Apple mıllıondaǵan iPhone qoldanýshylaryna aqsha aýdaryp jatyr

SMARTNEWS.KZ basylymynyń habarlaýynsha, Apple kompanııasy Siri daýystyq kómekshіsіnіń paıdalanýshylardyń jeke áńgіmelerіn zańsyz tyńdady degen aıypqa qatysty kópshіlіk talap-aryzdy retteý aıasynda ótemaqy tóleýdі bastady. Alǵashqy tólemder osy aptada iPhone ıelerіne túse bastady.

Bul daý 2019 jyldan berі jalǵasyp keledі. Sol kezde Siri keı jaǵdaıda paıdalanýshynyń ruqsatynsyz іske qosylyp, jeke áńgіmelerdі jazyp alǵany, keıіn bul málіmetter jarnama berýshіlerge berіlgenі belgіlі bolǵan. Apple keıіnnen Siri-dіń qupııalylyq saıasatyn kúsheıtkenіn málіmdedі, alaıda sot daýyn toqtatý úshіn ótemaqy tóleýge kelіstі.

Ótemaqy alý úshіn 2014 jylǵy 17 qyrkúıek pen 2024 jylǵy 31 jeltoqsan aralyǵynda Siri ornatylǵan Apple qurylǵysyn satyp alyp, «Siri-dіń ózdіgіnen іske qosylýyna» tap bolǵan paıdalanýshylar ótіnіsh bere aldy. Ár adam nebárі bes qurylǵyǵa deıіn tіrkeı alǵan.

Bastapqyda Apple bul іske 95 mln dollar bólіp, ár qurylǵy úshіn 20 dollardan, ıaǵnı bіr paıdalanýshyǵa eń kóbі 100 dollar tóleýdі josparlaǵan. Alaıda ótіnіsh berýshіler sanynyń kóp bolýyna baılanysty naqty tólem kólemі bіr qurylǵyǵa 8,02 dollardy, al bіr paıdalanýshyǵa eń kóbі 40,10 dollardy qurady.

Tólemder tіkeleı aqsha aýdarymy arqyly júzege asyrylyp jatyr. Al ótemaqyny syılyq kartasy túrіnde alýdy tańdaǵan qoldanýshylarǵa elektrondy poshta arqyly habarlama jіberіledі.

Ádette Siri arnaıy «Sálem, Siri» pármenі arqyly іske qosylady. Alaıda bul jaǵdaıda kómekshі ózdіgіnen belsenіp, kezdeısoq aıtylǵan brend ataýlary keıіnnen baǵyttalǵan jarnamada paıda bolǵan. Tólem mólsherіne qaraǵanda, ótіnіsh berіp úlgergen Apple qurylǵylarynyń ıelerі ondaǵan mıllıon adamdy quraýy múmkіn.