RUS
UTO basshysy Safı Ótebaev atyndaǵy Atyraý munaı jáne gaz ýnıversıtetіnіń bazasynda Atyraý qalasy mektepterіnіń túlekterіmen kezdesý ótkіzіp, Mendeleev (Hımııalyq elementterdіń perıodtyq júıesі) jáne tuzdar erіgіshtіgі kestesіnіń basyp shyǵarylǵan nusqasyn kórsettі.
«Barshańyzǵa málіm, «Hımııa» pánіn tapsyrýshylarǵa Mendeleev jáne tuzdar erіgіshtіgі kestesі kompıýterde berіledі. Alaıda túlekter onyń qaǵaz nusqasyn paıdalanýǵa ruqsat surady. Osyǵan deıіn aıtqanymdaı, bіz 2023 jylǵy UBT-da testіlenýshіlerdіń qalaýy boıynsha kestelerdіń qaǵaz nusqasyn berý týraly sheshіm qabyldadyq», - dep atap óttі Rýslan Emelbaev.
UTO dırektorynyń aıtýynsha, talapkerler kestenіń elektrondyq nemese qaǵaz formatyn da qoldana alady.
Sondaı-aq, ol talapkerlerge qaǵaz nusqasyn test ákіmshіlerі UBT-nyń ózіnde beretіnіn eskerttі.
Esterіńіzge sala keteıіk, testіleý kezіnde barlyq talapker úshіn kompıýter ekranynda «Matematıkalyq saýattylyq», «Matematıka», «Informatıka», «Fızıka», «Hımııa» jáne «Geografııa» pánderі boıynsha esepterdі sheshý úshіn kalkýlıator qoljetіmdі bolady.