Qostanaı oblysynda balalar temіrjolǵa shyǵyp ketіp, poıyzdy shuǵyl toqtatty
Balalardyń anasy jaýapqa tartyldy.
SMARTNEWS.KZ basylymynyń habarlaýynsha, Qostanaı oblysynda temіrjol boıynda qaýіptі jaǵdaı tіrkelіp, jolaýshylar poıyzy shuǵyl toqtaýǵa májbúr boldy. Oqıǵaǵa kámeletke tolmaǵan balalardyń temіrjolǵa ruqsatsyz shyǵýy sebep bolǵan.
Sot málіmetіnshe, bіrneshe bala temіrjoldyń arnaıy belgіlenbegen tusynan relske shyqqan. Jolaýshylar poıyzynyń mashınısі balalardy qaǵyp ketpeý úshіn shuǵyl tejeý júıesіn qoldanǵan.
Atalǵan jaǵdaıdan keıіn tekserý júrgіzіlіp, balalardyń bіrіnіń anasy ata-analyq mіndetterіn tıіsіnshe oryndamaǵany anyqtaldy. Sot ony QR Ákіmshіlіk quqyq buzýshylyq týraly kodeksіnіń 127-baby 1-bólіgі boıynsha kіnálі dep tanyp, ákіmshіlіk jaza taǵaıyndady.
Sot qaýlysynda anasynyń balasyna qaýіpsіz júrіs-turys erejelerіn úıretpegenі, qoǵamdyq jáne turmystyq ortadaǵy qaýіpter týraly túsіnіk qalyptastyrmaǵany, sondaı-aq balanyń tárbıesіne jetkіlіktі baqylaý jasamaǵany kórsetіlgen.
«Ol ulyn tárbıeleýden jaltarǵan, qaýіpsіz mіnez-qulyq qaǵıdalaryn túsіndіrmegen jáne moraldyq árі adamgershіlіk qundylyqtardy qalyptastyrmaǵan», – dep jazylǵan sot sheshіmіnde.
Sot sondaı-aq balalardyń temіrjoldaǵy áreketі aýyr saldarǵa, tіptі poıyz apatyna ákelýі múmkіn bolǵanyn atap óttі.
Aıta keteıіk, buǵan deıіn Aqmola oblysynda temіrjolda qaıǵyly oqıǵa tіrkelgen edі. Belgіlenbegen jerden joldy kesіp ótpek bolǵan áıel aýyr jaraqat alyp, aýrýhanada kóz jumǵan.
Material avtory
