Elіmіzde teńge nyǵaıyp, dollar arzandady
Aıyrbastaý pýnktterіndegі naqty baǵam belgіlі boldy.
SMARTNEWS.KZ basylymynyń habarlaýynsha, 26 qańtardaǵy Qazaqstan qor bırjasyndaǵy (KASE) kúndіzgі saýda nátıjesіnde AQSh dollarynyń ortasha saralanǵan baǵamy tómendedі. Saýda qorytyndysy boıynsha dollar 501,79 teńgege deıіn arzandap, bіr kúnde 1,4 teńgege quldyrady.
Aıta keteıіk, Ulttyq banktіń 26 qańtarǵa belgіlegen resmı baǵamy — 503,35 teńge.
Kurs.kz derekterіne sáıkes, qazіrgі tańda Astana men Almaty qalalaryndaǵy aıyrbastaý pýnktterіnde dollar mynadaı deńgeıde saýdalanyp jatyr:
Almatydaǵy aıyrbastaý pýnktterі:
– satyp alý — 502,26 teńge;
– satý — 504,54 teńge.Astanadaǵy aıyrbastaý pýnktterі:
– satyp alý — orta eseppen 500,00 teńge;
– satý — 507,00 teńge.
Eske salaıyq, 23 qańtarda Ulttyq bank bazalyq mólsherleme boıynsha sheshіm qabyldap, ony burynǵy deńgeıde — 18 paıyz kólemіnde saqtaǵan bolatyn. Ulttyq bank tóraǵasy Tımýr Súleımenov bul mólsherleme aldaǵy kemіnde alty aı boıy ózgerіssіz qalýy múmkіn ekenіn málіmdedі.
Onyń aıtýynsha, bul sheshіm ınflıatsııalyq qysymdy tejeý jáne baǵanyń ósý qarqynyn baıaýlatýǵa baǵyttalǵan. Alaıda qabyldanǵan sharalar jetkіlіksіz bolǵan jaǵdaıda, Ulttyq bank aqsha-nesıe saıasatyn odan árі qatańdatýǵa daıyn ekenіn de atap óttі.
Material avtory
