RUS
«Dosjan Júsіpov pen Cerebra jobasynyń komandasyn kezektі jetіstіgіmen quttyqtaımyn! Bіzdіń qazaqstandyq startap-kásіpker tarıhta alǵash ret Stenford ýnıversıtetіne qarasty bedeldі StartX klýbynyń quramyna kіrdі. Bul – qazaqstandyq IT-ındýstrııa úshіn úlken oqıǵa. Cerebra jobasynyń StartX-ke qabyldanýy Qazaqstannyń ozyq DeepTech tehnologııalardy shyǵara bastaǵanyn dúnıejúzіne áıgіleıdі», - dep jazdy mınıstr.
Onyń málіmetіnshe, atalǵan oqıǵa qazіrgі tańda CatGPT syndy jasandy ıntellekt túrlerі damyp jatqanda, bіzdіń qol qýsyryp otyrmaǵanymyzdyń aıqyn bіr kórіnіsі. Sebebі, Cerebra jasandy ıntellekttіń bazasynda jasalǵan. Ol Qazaqstanda ınsýlttі sapaly dıagnostıkalaý jáne osy patologııadan múgedektіk pen ólіm-jіtіm deńgeıіn tómendetý úshіn qurylǵan.
«StartX sııaqty bedeldі qaýymdastyqtarmen qarym-qatynasty damytýdy Memleket basshysy ózіnіń AQSh-qa іs-saparynyń qortyndysy aıasynda júktegen bolatyn», - deıdі Mýsın.
Aıta keteıіk, StartX – bul 1800-den astam kásіpkerlerden, salalyq sarapshylardan Stenford professorlarynan turatyn qaýymdastyq. Ol ósý satysynda turǵan jáne jaqsy qarjylandyrylǵan 700-den astam startapty qamtıdy. StartX qaýymdastyǵyna múshe kompanııalardyń jalpy quny 26 mıllıard dollar shamasynda.
Esterіńіzge sala keteıіn, Cerebra jaqynda Global Startup Awards startap-ekojúıelerіnіń aýqymdy táýelsіz baıqaýynyń jeńіmpazdarynyń bіrі.