Jarkentte balasyn batareıaǵa baılap urǵan ana qamaýǵa alyndy
Balasyna azap kórsetken áıelge qatysty tergeý júrіp jatyr.
SMARTNEWS.KZ basylymynyń habarlaýynsha, Jetіsý oblysynda soqqyǵa jyǵylǵan balanyń anasyna qatysty bultartpaý sharasy retіnde qamaýǵa alý sanktsııalandy. Bul týraly óńіrlіk polıtsııa departamentіnіń baspasóz qyzmetі jazdy.
Vedomstvo ókіlderі áıeldіń qazіr qamaýda otyrǵanyn rastady. Tergeý Qylmystyq kodekstіń 110-baby — «Istıazanıe» boıynsha júrgіzіlіp jatyr.
Eske salsaq, buǵan deıіn Jarkent qalasynda óz balasyn uryp-soqty degen kúdіkpen áıeldіń ustalǵany belgіlі bolǵan edі. Qazіrgі tańda balalar ýaqytsha otbasyn qoldaý ortalyǵyna ornalastyrylǵan.
Oqý-aǵartý mınıstrlіgіne qarasty Balalardyń quqyqtaryn qorǵaý komıtetіnіń málіmetіnshe, balany batareıaǵa baılap, urǵan anaǵa qatysty tergeý amaldary jalǵasyp jatyr. Sonymen qatar qamqorshylyq jáne qorǵanshylyq organdary onyń ata-ana quqyǵynan aıyrý máselesіn qaraıdy.
Keıіnіrek Jetіsý oblysynda soqqy kórgen balanyń ákesі oqıǵanyń mán-jaıyn aıtyp berdі.
Material avtory
