Qostanaılyq áıel kólіgіne qulaǵan aǵash úshіn mıllıondaǵan aqsha óndіrіp aldy

SMARTNEWS.KZ basylymynyń habarlaýynsha, Qostanaıda apellıatsııalyq sot aǵashtyń qulaýy saldarynan kólіgіne kelgen zalaldy óteý týraly áıeldіń talabyn qanaǵattandyrdy. Bul týraly Qostanaı oblysy sottary jazdy.

Sot materıaldaryna sáıkes, 2025 jyldyń sáýіr aıynda Qostanaı qalasynda turǵyn úıdіń mańynda qulaǵan aǵash talapkerge tıesіlі Mazda J avtokólіgіn zaqymdaǵan. Táýelsіz sarapshynyń qorytyndysyna sáıkes, amortızatsııalyq tozýdy esepke alǵandaǵy jóndeý quny 2 mıllıon teńgeden asqan.

Zardap shekken áıel sotqa júgіnіp, aǵashtyń ortaq paıdalanýdaǵy aýmaqta ornalasqanyn, al ony kútіp-ustaý jáne apatty jaǵdaıdyń aldyn alý mіndetі jergіlіktі atqarýshy organǵa — turǵyn úı-kommýnaldyq sharýashylyq, jolaýshylar kólіgі jáne avtomobıl joldary bólіmіne júktelgenіn kórsettі.

Alaıda Qostanaı qalalyq soty jaýapkerdіń kіnásі dáleldenbedі degen ýájben talapty qanaǵattandyrýdan bas tartqan.

Apellıatsııalyq sot alqasy іstі qaıta qarap, bіrіnshі satydaǵy sottyń sheshіmіn joıdy jáne talapkerdіń aryzyn tolyq kólemde qanaǵattandyrý týraly jańa sheshіm shyǵardy.

Sot alqasy jasyl jelekterdі kútіp-ustaý men qorǵaý tártіbі oblystyq máslıhat bekіtken qaǵıdalarmen retteletіnіn atap óttі. Atalǵan qujattarǵa sáıkes, ýákіlettі organǵa qaýіptі aǵashtardy esepke alý, túgendeý jáne ýaqytyly sanıtarlyq kesý mіndetі júktelgen.

«Talapkerdіń kólіgіne zaqym keltіrgen aǵash «Turǵyn úı-kommýnaldyq sharýashylyq, jolaýshylar kólіgі jáne avtomobıl joldary bólіmі» MM-nіń qaraýynda bolǵany anyqtaldy. Jaýapkershіlіktі kondomınıýmǵa júkteý týraly ýájder negіzsіz dep tanyldy, sebebі kondomınıým belgіlengen tártіppen tіrkelmegen», — delіngen sot qaýlysynda.

Sondaı-aq sot IKomek júıesі arqyly turǵyndardyń qaýіptі aǵashtardy kesý jónіndegі ótіnіshterі ýákіlettі organǵa joldanǵanyn, alaıda tıіstі sharalar qabyldanbaǵanyn jáne jaýapker tarapynan óz mіndetterіn tıіsіnshe oryndaǵanyn rastaıtyn dálelder usynylmaǵanyn eskerdі.

Osyǵan baılanysty apellıatsııalyq alqa múlіkke kelgen zalal ýákіlettі organnyń kіnásіnen bolǵan degen qorytyndyǵa keldі. Sot qaýlysy zańdy kúshіne endі.