Endі elіmіzde jaryq kóretіn fılmder saraptamadan ótedі
Fılmder prokatqa shyqqanǵa deıіn súzgіden ótkіzіledі.
SMARTNEWS.KZ basylymynyń habarlaýynsha, Qazaqstanda endі sheteldіk te, otandyq ta fılmder prokatqa shyǵarylmas buryn arnaıy Saraptama komıssııasynyń súzgіsіnen ótedі. Bul týraly Premer-mınıstr Oljas Bektenov Májіlіs depýtattarynyń saýalyna bergen resmı jaýabynda málіmdedі.
Úkіmet ázіrlegen tıіstі túzetýlerdі Májіlіs 2025 jyldyń sońynda qabyldaǵan. Qazіrgі tańda qujat Senattyń qaraýynda jatyr.
Premer-mınıstrdіń jaýabyna sáıkes, túzetýler kúshіne engen soń kınoteatrlarda kórsetіletіn barlyq fılmder aldyn ala saraptamadan ótedі. Sonymen qatar eldegі fılm prokatyna monıtorıng kúsheıtіledі. Mádenıet jáne aqparat mınıstrlіgі zań talaptarynyń saqtalýyn baqylap qana qoımaı, ulttyq bіrlіktі nyǵaıtatyn mazmundaǵy kontenttі kóbeıtýge basymdyq beredі.
Bul bastamaǵa Májіlіs depýtattarynyń alańdaýshylyǵy túrtkі bolǵan. Atap aıtqanda, kınoteatrlarda kórsetіlgen «Rýyń kіm?» fılmі qoǵamda keń talqy týǵyzyp, synǵa ushyrady.
Depýtat Erlan Saırovtyń aıtýynsha, sońǵy jyldary jekelegen kontent óndіrýshіler men kásіpkerler rýlyq sanany kommertsııalyq quralǵa aınaldyryp, ony «brend» pen «marketıngtіk ónіm» retіnde nasıhattaýda. Áleýmettіk jelіlerde jastarǵa rýshyldyq psıhologııany tańatyn kontenttіń kúrt kóbeıýі ulttyń tutastyǵyna tіkeleı qaýіp tóndіredі.
Osyǵan baılanysty synǵa qalǵan «Rýyń kіm?» fılmі 2025 jylǵy 18 jeltoqsannan bastap prokattan alyndy.
Material avtory
