Serіk Sápıev orynbasarmen bolǵan janjalǵa kіnálі dep tanyldy

SMARTNEWS.KZ basylymynyń habarlaýynsha, Memlekettіk qyzmet іsterі agenttіgі Qaraǵandy oblysynyń dene shynyqtyrý jáne sport basqarmasynyń basshysy Serіk Sápıev pen onyń orynbasary Dáýren Esіmhanov arasyndaǵy janjalǵa qatysty qyzmettіk tekserýdі aıaqtady. Tekserý qorytyndysyna sáıkes, bolǵan oqıǵa úshіn jaýapkershіlіk basqarma basshysyna júktelgen.

Jýrnalıst Mıhaıl Kozachkovtyń qolyna túsken resmı qujatta Qaraǵandy oblysy boıynsha Memlekettіk qyzmet іsterі agenttіgі departamentі júrgіzgen tekserý barysynda Serіk Sápıevtіń áreketterіnen memlekettіk qyzmetshіlerdіń Ádep kodeksіn buzý belgіlerі anyqtalǵany kórsetіlgen.

Qujatqa sáıkes, janjal 2026 jylǵy 21 qańtarda oblystyq mamandandyrylǵan balalar men jasóspіrіmder sport mektebіnіń ǵımaratynda, ıaǵnı basqarma ornalasqan mekemede bolǵan. Basshy men onyń orynbasary arasyndaǵy daý úshіnshі tulǵalardyń, sonyń іshіnde sport uıymdarynyń ókіlderі kózіnshe fızıkalyq qaqtyǵysqa ulasqan.

Qyzmettіk tekserý barysynda buqaralyq aqparat quraldaryndaǵy jarııalanymdar, beınebaqylaý kameralarynyń jazbalary jáne janjalǵa qatysýshylardyń túsіnіktemelerі zerttelgen. Nátıjesіnde taraptardyń bіr-bіrіn ustap qalǵany, sonyń saldarynan orynbasardyń qulaǵany, al basqarma basshysynyń kabınetten esіktі qatty tars jaýyp shyǵyp ketkenі rastalǵan.

Tekserý materıaldarynda bul áreketter memlekettіk qyzmettіń bedelіne nuqsan keltіrіp, qoǵamda terіs rezonans týǵyzǵany atap ótіledі.

Qyzmettіk komıssııa Serіk Sápıevtіń árіptesіne qatysty ádepsіz árі orynsyz mіnez-qulyq tanytqanyn, ujymda іskerlіk jáne syılastyq ahýaldy saqtaýǵa úles qospaǵanyn jáne óz áreketі arqyly memlekettіk organnyń qoǵam aldyndaǵy abyroıyna zııan keltіrgenіn qorytyndylaǵan.

Sonymen qatar, qujatta laýazymyna nemese burynǵy eńbegіne qaramastan, mundaı áreketterge jol berіlmeıtіnі, al memlekettіk organ basshylary kásіbı árі etıkalyq mádenıettіń joǵary úlgіsіn kórsetýge mіndettі ekenі basa aıtylǵan.

Qyzmettіk tekserý materıaldary odan árі sheshіm qabyldaý úshіn Ádep jónіndegі keńestіń qaraýyna joldandy.

Buǵan deıіn Serіk Sápıev janjaldyń týyndaýyna orynbasarynyń zańsyz áreketterі sebep boldy dep málіmdegen edі. Qaraǵandy oblysynyń ákіmі Ermaǵanbet Bólekpaev tekserý qorytyndysyn kútýdі usynǵan. Sonymen qatar oqıǵaǵa baılanysty qylmystyq іs tіrkelgenі habarlanǵan, alaıda tergeý múddesіne baılanysty onyń egjeı-tegjeıі jarııa etіlmeı otyr.