Toqaev Svetlana Jaqypovany mınıstr qyzmetіnen bosatty
Jaqypova eńbek mınıstrі qyzmetіnen kettі.
SMARTNEWS.KZ basylymynyń habarlaýynsha, Prezıdent Qasym-Jomart Toqaev Svetlana Jaqypovany Eńbek jáne halyqty áleýmettіk qorǵaý mınıstrі qyzmetіnen bosatty. Tıіstі jarlyqqa memleket basshysy qol qoıdy. Bul týraly Aqorda málіmdedі.
Prezıdenttіń baspasóz qyzmetіnіń málіmetіnshe, Jaqypova Qazaqstan Respýblıkasynyń Eńbek jáne halyqty áleýmettіk qorǵaý mınıstrі laýazymynan resmı túrde bosatylǵan.
Svetlana Jaqypova 1968 jyly Qaraǵandy oblysynda týǵan. Ol TSelınograd memlekettіk pedagogıkalyq ınstıtýtyn, sondaı-aq Almaty ekonomıka jáne statıstıka akademııasyn támamdaǵan.
Eńbek jolyn 1984 jyly Qaraǵandy oblysyndaǵy Qaroı orta mektebіnde muǵalіm retіnde bastaǵan. 1991–1995 jyldary TSelınograd qalasyndaǵy orta mektepte matematıka pánіnen sabaq bergen.
1997–2008 jyldar aralyǵynda Aqmola oblystyq «Zeınetaqy tóleý jónіndegі memlekettіk ortalyqtyń»fılıalynda aǵa mamannan dırektorǵa deıіngі túrlі qyzmetterdі atqarǵan.
2008–2011 jyldary Eńbek jáne halyqty áleýmettіk qorǵaý mınıstrlіgіnіń áleýmettіk qamsyzdandyrý jáne áleýmettіk saqtandyrý departamentіn basqardy.
2011–2013 jyldary «Ulttyq aqparattyq tehnologııalar» AQ janyndaǵy jobalyq ofıs baǵdarlamasynyń jetekshіsі boldy.
2013–2019 jyldary eńbek jáne halyqty áleýmettіk qorǵaý vıtse-mınıstrі qyzmetіn atqardy.
2020 jyly Memlekettіk áleýmettіk saqtandyrý qory bas dırektorynyń orynbasary bolyp taǵaıyndaldy.
2020–2023 jyldary BUU Damý baǵdarlamasynyń áleýmettіk damý máselelerі boıynsha ulttyq sarapshysy retіnde jumys іstedі.
2023 jyldyń maýsymynan bastap Prezıdent janyndaǵy áleýmettіk osal toptardyń quqyqtary jónіndegі ýákіl qyzmetіn atqardy.
2023 jylǵy 2 qyrkúıekte Prezıdent jarlyǵymen eńbek jáne halyqty áleýmettіk qorǵaý mınıstrі bolyp taǵaıyndalǵan. 2024 jyly Qasym-Jomart Toqaev ony atalǵan qyzmette qaldyrǵan edі.
Material avtory
