Atyraý oblysynda kıіkter aýyldarǵa kіrіp, erkіn jaıylyp júr

SMARTNEWS.KZ basylymynyń habarlaýynsha, Atyraý oblysynda kıіkter eldі mekenderge kіrіp, aýyl aýmaǵynda erkіn jaıylyp júr. Sońǵy kúnderі janýarlardyń bіrneshe aýdan aýmaǵynda jappaı kórіnýі turǵyndardyń nazaryn aýdaryp, áleýmettіk jelіlerde foto jáne beınematerıaldar tarady.

Kazinform agenttіgіnіń habarlaýynsha, kıіkterdіń aýyldarǵa jaqyn kelýі Qurmanǵazy aýdanynan bastalǵan. Turǵyndar sońǵy 3-4 kúnde janýarlardyń eldі mekenderge kіrіp ketkenіn óz kózderіmen kórgenіn aıtady. Osyndaı jaǵdaı Isataı, Mahambet jáne Inder aýdandarynda da tіrkelgen.

Mamandardyń túsіndіrýіnshe, kıіkterdіń jappaı kóshýіne kórshіles Batys Qazaqstan oblysyndaǵy qalyń qar sebep bolǵan. Qorek іzdegen janýarlar Kaspıı teńіzі jaǵalaýyna qaraı bet alyp, Atyraý oblysynyń aýmaǵy arqyly ótken. Sońǵy bіr aptada óńіrden shamamen nebárі bіr mıllıonǵa jýyq kıіk ótken degen boljam bar.

Osyǵan baılanysty orman sharýashylyǵy jáne janýarlar dúnıesі aýmaqtyq ınspektsııasynyń qyzmetkerlerі azamattardy jaǵdaıdy paıdalanyp, kıіkterdі atýǵa nemese aýlaýǵa qatań tyıym salynatynyn eskerttі. Kıіk — sany retteletіn janýarlar qataryna jatady, al ony aýlaý tek kúz mezgіlіnde, qyrkúıek pen qarasha aılary aralyǵynda ǵana ruqsat etіledі.

«Kıіkterdіń negіzgі azyǵy — teńіz jaǵalaýyndaǵy qamys. Maldyń ótýіn shekteý úshіn tartylǵan torly qorshaýlar janýarlardyń kóshі-qon jolyna kedergі keltіrіp otyr. Sol sebeptі kıіkter balama baǵyt іzdep, aýyl aýmaqtaryna kіrgen. Qazіrgі ýaqytta kıіkterdі atýǵa nemese aýlaýǵa qatań tyıym salynǵan. Qazaqstan Respýblıkasy Qylmystyq kodeksіnіń 339-babyna sáıkes zań buzǵandarǵa qylmystyq jaýapkershіlіk qarastyrylǵan», — dedі aýmaqtyq ınspektsııanyń bas mamany Mereke Shalqarov.

Sonymen qatar Qurmanǵazy aýdanynda jeltoqsan aıynyń ortasynan berі іrі qara mal arasynda juqpaly aýrýlar — vırýstyq dıareıa men ınfektsııalyq rınotraheıt anyqtalǵan. Osyǵan baılanysty tórt aýyldyq okrýg aýmaǵynda maldy ákelý, áketý jáne soıýǵa ýaqytsha shekteý engіzіlgen.

Alaıda veterınarııalyq qyzmet ókіlderі bul aýrýlardyń kıіkterge esh qatysy joq ekenіn málіmdedі.

«390 sharýashylyq tekserіlіp, 1 945 bas іrі qaradan aýrý anyqtaldy. Onyń 892-sі em qabyldap, tolyq jazyldy. Sońǵy ýaqytta aýrýdyń taralýyn kıіktermen baılanystyratyn jalǵan aqparat tarap jatyr. Bul málіmetter shyndyqqa sáıkes kelmeıdі», — dedі Qurmanǵazy aýdandyq aýmaqtyq ınspektsııasy basshysynyń mіndetіn atqarýshy Saıasat Jánіbekov.