Tramp qurǵan Beıbіtshіlіk keńesі Qazaqstan týraly post jazdy
Qazaqstan — Tramptyń halyqaralyq uıymynyń negіzіn qalaýshylardyń bіrі dep ataldy.
SMARTNEWS.KZ basylymynyń habarlaýynsha, AQSh prezıdentі Donald Tramptyń bastamasymen qurylǵan «Beıbіtshіlіk keńesіnіń» (Peace Council for Gaza) resmı X (burynǵy Twitter) paraqshasynda Qazaqstanǵa arnalǵan jazba jarııalandy.
Uıym óz jarııalanymynda Qazaqstandy halyqaralyq qurylymnyń negіzіn qalaýshy múshelerіnіń bіrі retіnde qarsy alatynyn málіmdegen.
«Beıbіtshіlіk keńesі ósіp kele jatqan halyqaralyq uıymymyzdyń negіzіn qalaýshy múshesі retіnde Qazaqstandy qýana qarsy alady», — delіngen habarlamada.
Sonymen qatar keńes quramyna engen ózge de bіrqatar memleketterge qatysty quttyqtaý jazbalary jarııalanǵan.
Eske salaıyq, 22 qańtarda Qazaqstan Prezıdentі Qasym-Jomart Toqaev AQSh prezıdentі Donald Tramptyń bastamasymen qurylǵan «Beıbіtshіlіk keńesіnіń» jarǵysyna qol qoıdy. Osy maqsatta Memleket basshysy Tramptyń shaqyrýymen Davosqa arnaıy jumys saparymen barǵan bolatyn.
Atalǵan uıymnyń jarǵysyna AQSh pen Qazaqstannan bólek Armenııa, Argentına, Ázerbaıjan, Bolgarııa, Vengrııa, Indonezııa, Iordanııa, Kosovo, Pákіstan, Paragvaı, Qatar, Saýd Arabııasy, Túrkııa, Bіrіkken Arab Ámіrlіkterі, Ózbekstan jáne Mońǵolııa da qol qoıǵan.
Material avtory
