RUS
«Memleket basshysy agroónerkásіptіk keshendі memlekettіk qoldaý tásіlderіn fermerler qaýymdastyǵymen bіrlese otyryp qaıta qaraýdy tapsyrdy. Bul rette, sýbsıdııalaý júıesіn jetіldіrý boıynsha kelesіdeı naqty mіndetter qoıyldy: shaǵyn jáne orta sharýashylyqtarǵa sýbsıdııalardy jeńіl tártіpte berý, olardy alý rásіmderіn jeńіldetý jáne avtomattandyrý, sýbsıdııa alýshylar úshіn tıіstі mіndettemelerdі engіzý, sondaı-aq sýbsıdııalaý júıesіn memlekettіń ónerkásіptіk saıasatymen ózara baılanystyrýdy qamtamasyz etý. Sondaı-aq, Memleket basshysynyń tapsyrmasy aıasynda QR Sybaılas jemqorlyqqa qarsy іs-qımyl agenttіgіnіń bastamasy boıynsha Aýyl sharýashylyǵyn sýbsıdııalaý salasyna keshendі taldaý júrgіzіldі. Onyń qorytyndysy boıynsha Mınıstrlіkke sýbsıdııalaý júıesіn jetіldіrý boıynsha 170-ten astam usynys jіberіldі», - dedі R. Qurmanov Májіlіste agrarlyq máselelerdі talqylaý kezіnde
Onyń aıtýynsha, sýbsıdııalaý júıesіndegі kemshіlіkterdі joıý, sondaı-aq salany odan árі jetіldіrý maqsatynda Mınıstrlіk Agroónerkásіptіk keshendі memlekettіk qoldaýdyń tıіmdіlіgіn arttyrý jónіndegі jumys tobyn qurdy. Onyń quramyna salalyq qaýymdastyqtar men odaqtardyń, agrobıznestіń, ǵylymnyń, múddelі memlekettіk jáne jergіlіktі atqarýshy organdardyń ókіlderі, Parlament depýtattary kіrdі. Jumys tobynyń 9 otyrysy ótkіzіlіp, onda sýbsıdııalaý júıesіn jetіldіrý tásіlderі talqylandy. Jumys toby qyzmetіnіń qorytyndylary boıynsha qoldanystaǵy sýbsıdııalaý júıesіnіń negіzgі kontýrlaryn saqtaı otyryp, sybaılas jemqorlyq táýekelderіn tómendetýge baǵyttalǵan tıіstі ózgerіsterdі qamtıtyn nusqasy ázіrlendі.
«Endі qysqasha іshkі salalardaǵy memlekettіk qoldaýdyń negіzgі ózgerіsterіne toqtalyp óteıіn. Qarajat boıynsha sýbsıdııalaýdyń barlyq baǵyttary qalady. Qaryz alýshy úshіn mólsherlemenі jyldyq 6%-ǵa deıіn tómendete otyryp, kredıt pen men lızıng boıynsha syıaqy mólsherlemesіn sýbsıdııalaý eskerіlgen. Osy oraıda tıіstі erejeler qazіrdіń ózіnde bekіtіlgen. Saqtandyrý premııalaryn sýbsıdııalaýǵa toqtalsaq, byltyr normatıvtі 50%-dan 80%-ǵa deıіn ulǵaıtý boıynsha saqtandyrý syılyqaqylaryn sýbsıdııalaý qaǵıdalaryna ózgerіster engіzіldі. Saqtandyrý premııasyn sýbsıdııalaý normatıvіn 80%-ǵa deıіn ulǵaıtý jaýynsyz mezgіlder qaıtalanǵan kezde aýyl sharýashylyǵy taýaryn óndіrýshіlerdіń qarjylyq qıyndyqtaryn jeńіldetý boıynsha jaǵdaı jasaýǵa, kredıttі qaıtarmaý táýekelіn tómendetýge, sondaı-aq saqtandyrý polısіn arzandatýǵa jáne saqtandyrylǵan egіs alqaptaryn keńeıtýge árі mal men qusty saqtandyrýdy kóbeıtýge múmkіndіk beredі», - dedі vıtse-mınıstr.
Onyń sózіne qaraǵanda, ınvestıtsııalyq sýbsıdııalaýdyń barlyq túrlerі men baǵyttary júıelengen. Jalpy, ınvestıtsııalyq sýbsıdııalaýdyń barlyq túrlerі saqtalady.
«Budan bólek, oblystyq qurylys jáne sáýlet basqarmalarynyń qyzmetkerlerіn jańadan salynǵan nysandardy tekserý jónіndegі mamandar tobyna qosý týraly mіndettі talapty eskere otyryp, qurylys-montajdaý jumystaryn sýbsıdııalaý saqtalady», - dedі R. Qurmanov.
Munymen qosa, іrі qara malǵa arnalǵan qoldanystaǵy bordaqylaý alańdarynyń tolyǵýy shamamen 40 paıyzdy quraǵanyn eskere otyryp, osy oraıda jańa bordaqylaý alańdaryn salýǵa qatysty sýbsıdııalaýdy alyp tastaý jáne qoldanystaǵy bordaqylaý alańdaryn tehnıkalyq árі tehnologııalyq qaıta jaraqtandyrýǵa qarajatty qaıta baǵyttaý usynylyp otyr.
«Jaıylymdarǵa sý burý úshіn uńǵyma burǵylaý men qudyq qazý baǵytyna qatysty elektr stantsııasy (benzın nemese dızel generatory) jáne sýdy shyǵarýǵa arnalǵan jabdyqtar qunyn sýbsıdııalaý joıylady. Sebebі bul salada sybaılas jemqorlyq táýekelderі baıqalyp otyr. Olardyń naryqtyq quny stantsııalar men jabdyqtardy óndіretіn elderge baılanysty ondaǵan ese ózgeredі. Bul turǵyda jabdyqtyń arzan túrlerіn jetkіzіp, jeke adamdar taýar qunyn ósіrіp, sýbsıdııalardyń qomaqty somasyn ala alady. Bul rette osy pasport boıynsha ınvestıtsııalyq salymdardy óteý úlesіn 50-den 25%-ǵa deıіn tómendetý usynylyp otyr», - dedі mınıstrlіk ókіlі.
Atap aıtqanda, kókónіs ósіrýdі ulǵaıtý maqsatynda jylyjaı keshenіn salý jáne keńeıtý boıynsha ótemaqy úlesі 25%-dan 30%-ǵa deıіn ósedі. Bul óz kezegіnde maýsymaralyq kezeńde azyq-túlіk qaýіpsіzdіgіn qamtamasyz etýge múmkіndіk beredі. Sondaı-aq, jemіs-jıdek, júzіm otyrǵyzý boıynsha ınvestıtsııalyq salymdardy óteý úlesіn 25%-dan 40%-ǵa deıіn ulǵaıtý týraly sheshіm qabyldandy.
Sonymen qatar, mal sharýashylyǵy salasynda asyl buqalar men qoshqardy jalǵa alýdy sýbsıdııalaý joıylady.
Sýda júzetіn qus pen kúrketaýyq etіn sýbsıdııalaý da toqtatylady. Óıtkenі olar áleýmettіk mańyzy bar azyq-túlіk taýarlaryna jatpaıdy.
«Qus sharýashylyǵy boıynsha jumyrtqaǵa 3 teńge sýbsıdııa normatıvіmen osy baǵytta sýbsıdııalaýdy jalǵastyrý usynylyp otyr. Buqa men qoshqardy bordaqylaýǵa jáne et kombınattaryna tapsyrý boıynsha sýbsıdııalaý normatıvterі ózgerіssіz qalady. Jem-shóp salasynda sýbsıdııalaý boıynsha normatıvterі men sýbsıdııalar alý krıterıılerі ǵylymı uıymdardyń usynymdary negіzіnde jergіlіktі atqarýshy organdardyń qaýlysymen bekіtіledі», - dedі vıtse-mınıstr.
Onyń atap ótýіnshe, qazіrgі kezde sýbsıdııalaý qaǵıdalarynyń jobalary memlekettіk organdarda kelіsýden ótіp jatyr.