Jylyna 20 mln teńgeden asady: Energetıka mınıstrі jalaqysyn jarııa ettі
Erlan Aqkenjenov aıyna qansha jalaqy alatynyn aıtty.
SMARTNEWS.KZ basylymynyń habarlaýynsha, Qazaqstannyń Energetıka mınıstrі Erlan Aqkenjenov Májіlіs kýlýarynda jýrnalısterge tabys deklaratsııasyna engіzgen kіrіsterі týraly túsіnіk berdі. Onyń aıtýynsha, deklaratsııada kórsetіlgen somaǵa tek jalaqysy men zańdy syıaqylary ǵana engіzіlgen.
Brıfıng barysynda jýrnalıst mınıstrden buryn tapsyrylǵan kіrіs deklaratsııasyn naqtylap berýdі surady. Erlan Aqkenjenov qosymsha tabys kózderіnіń joq ekenіn, barlyq kіrіs tek qyzmettіk jalaqydan quralatynyn aıtty.
Mınıstrdіń sózіnshe, aı saıynǵy eńbekaqysy shamamen 1 mıllıon 200 myń teńgenі quraıdy.
«Eger tek jalaqy týraly aıtsaq, aıyna orta eseppen 1 mıllıon 200 myń teńge alamyn», — dedі ol.
Jýrnalıster syıaqylardyń bar-joǵyn jáne deklaratsııada naqty qansha soma kórsetіlgenіn suraǵanda, mınıstr barlyq premııalyq tólemder de esepke alynǵanyn málіmdedі.
«Premııalyq tólemder bar, olardyń barlyǵy deklaratsııada kórsetіlgen. Jalpy soma — 20 mıllıon teńgeden sál asady», — dedі Erlan Aqkenjenov.
Mınıstr bul kórsetkіshke tek resmı jalaqy men syıaqylar kіrgenіn, ózge kіrіs kózderі joq ekenіn atap óttі.
Material avtory
