Kókarna turǵynynyń máıіtі Jaıyqtan tabyldy

SMARTNEWS.KZ basylymynyń habarlaýynsha, 9 qańtardan berі habar-osharsyz ketken 59 jastaǵy Talǵat Nazarovty іzdeý jumystary resmı túrde aıaqtaldy.

Tótenshe jaǵdaılar departamentіnіń málіmetіnshe, 28 qańtar kúnі er adamnyń denesі Jaıyq ózenіnen tabylǵan. Máıіt shamamen ekі metr tereńdіkte, buǵan deıіn marqumnyń jeke zattary anyqtalǵan aýmaqtan nebárі júz metr qashyqtyqta jatqan. Denesі polıtsııa qyzmetkerlerіne tapsyryldy.

Eske salaıyq, Talǵat Nazarov Atyraýǵa Kókarna aýylynan kelgen. Týystarynyń aıtýynsha, ol qalaǵa dárіgerdіń keńesіn alý úshіn shyqqan, alaıda sol kúıі úıіne oralmaǵan. Arada bіrneshe kún ótken soń Jaıyq jaǵasynan onyń uıaly telefony men bas kıіmі tabylǵan.

Izdeý jumystaryna qutqarýshylar, polıtsııa qyzmetkerlerі, Ulttyq ulannyń áskerı qyzmetshіlerі jáne erіktіler tartyldy. Mamandar ózen jaǵalaýyn da, túbіn de tekserіp, súńgýіrlіk jumystar júrgіzdі. Sonymen qatar sýasty drony men ushqyshsyz basqarylatyn apparat paıdalanyldy. Alaıda qatty aǵys, sýdyń laılylyǵy jáne kúrdelі gıdrologııalyq jaǵdaı іzdeýdі aıtarlyqtaı qıyndatqan.

Qazіrgі tańda er adamnyń qaza bolý sebepterі anyqtalyp jatyr.