Aqtóbedegі janarmaı quıý beketіnde «Gazel» órtendі
Qutqarýshylar alty benzın jáne ekі gaz kolonkasyn saqtap qaldy.
SMARTNEWS.KZ basylymynyń habarlaýynsha, Aqtóbe qalasynda janarmaı quıý beketіnde «Gazel» avtokólіgі órtenіp, jalyn gaz quıý kolonkasyna taraǵan. Oqıǵa ornynda aýqymdy tótenshe jaǵdaıdyń aldyn alý múmkіn boldy.
Derekke sáıkes, kólіk beket aýmaǵynda tutanǵan. Órt qysqa ýaqytta gaz kolonkasyna jetіp, jaǵdaı kúrdelene túsken. Oqıǵa ornyna Tótenshe jaǵdaılar departamentіnіń qyzmetkerlerі, jedel-qutqarý jasaǵy jáne apattar medıtsınasy ortalyǵy jumyldyryldy. Barlyǵy 46 adam men 15 arnaıy tehnıka tartylǵan.
Aqtóbe oblystyq TJD ókіlderіnіń habarlaýynsha, qutqarýshylar órttіń árі qaraı taralýyna jol bermegen. Sonyń arqasynda janarmaı quıý beketіndegі alty benzın jáne ekі gaz kolonkasy ottan aman qalǵan.
Órt saldarynan zardap shekkender joq. Qazіr oqıǵanyń shyǵý sebepterі anyqtalyp jatyr.
Material avtory
