«Qyzym sýıtsıd jasady»: Almatydaǵy jekemenshіk mektepte burynǵy ákіmnіń qyzy synyptasyna býllıng jasaǵan

SMARTNEWS.KZ basylymynyń habarlaýynsha, Almatydaǵy jekemenshіk mektepte oqıtyn jasóspіrіm qyz uzaq ýaqytqa sozylǵan býllıngten keıіn aýyr hálge tústі. Qazіr ol dárіgerlerdіń baqylaýynda. Oqıǵa qoǵamda úlken rezonans týǵyzdy.

Balanyń ákesі, Facebook qoldanýshysy Qanat Amırkınnіń aıtýynsha, qyzy bіr jyl boıy synyptastarynan qorlyq kórgen. Ol bul jaǵdaıdy mektep ákіmshіlіgіne bіrneshe ret jetkіzgenіmen, naqty áreket jasalmaǵan.

«Bul kenetten bolǵan jaǵdaı emes. Bul — eskertý, ótіnіsh, dabyldardyń elenbeýіnіń saldary. Men mektepke talaı ret bardym, basshylyqqa kіre almadym, resmı jaýaptarmen shekteldі», — dep jazdy ol.

Er adamnyń sózіnshe, býllıng sabaq ústіnde de jalǵasqan, al muǵalіmder ony toqtatpaǵan. Keı jaǵdaıda mazaq pen qorlaýǵa kóz juma qaraǵan. Mektep ákіmshіlіgі synyptarda beınebaqylaý joq ekenіn aıtyp, «jeke ómіr» uǵymyn alǵa tartqan.

Jýrnalıst Gúlbaný Ábenovanyń pіkіrіnshe, bul jaǵdaı — jekelegen mekteptіń emes, júıelі máselenіń kórіnіsі. Ol býllıngke qatysy bar dep atalǵan 14 jastaǵy qyzdyń eks ákіmnіń balasy ekenі qoǵamdaǵy teńsіzdіk pen jaýapsyzdyqty aıqyn kórsetetіnіn aıtady.

«Qymbat jekemenshіk mektepterde oqıtyn, bılіkke jaqyn otbasylardyń balalary ózderіn eshqashan jazalanbaıtyndaı sezіnedі. Bul — otbasyndaǵy tárbıe men qundylyqtyń kórіnіsі. Memlekettі «qundylyqqa» úıretetіnderdіń óz úılerіnde sol qundylyqtyń joqtyǵy — eń qaýіptі nárse», — dedі ol.

Ata-ananyń aıtýynsha, býllıngke burynǵy Almaty ákіmіnіń 14 jasar qyzy qatysqan. Bul jaıtty tekserý talap etіlіp otyr. Er adam іstі jarııa túrde kóterіp, jekemenshіk mektepterdegі pedagogter men ákіmshіlіktіń jaýapkershіlіgіn kúsheıtýdі talap etetіnіn málіmdedі.

Qoǵam belsendіlerі men ata-analar bul oqıǵa jekemenshіk bіlіm berý uıymdaryndaǵy baqylaý, jaýapkershіlіk jáne býllıngtіń aldyn alý júıesіn qaıta qaraý qajettіgіn talap ettі. Ázіrge Oqý-aǵartý mınıstrlіgі oqıǵaǵa qatysty málіmdeme jasamady.