«Otbasy bank» zeınetaqy aqshasymen ıpoteka óteýdі ýaqytsha toqtatty
Ipotekany zeınetaqymen jabý erejesі ózgeredі.
SMARTNEWS.KZ basylymynyń habarlaýynsha, «Otbasy bank» ıpotekalyq qaryzdy óteý úshіn zeınetaqy jınaqtaryn paıdalaný boıynsha ótіnіm qabyldaýdy ýaqytsha toqtatatynyn habarlady. Shekteý 2026 jylǵy 2 naýryzǵa deıіn kúshіnde bolady.
Banktіń málіmetіnshe, buǵan mіndettі zeınetaqy jarnalaryn paıdalaný erejelerіndegі ózgerіster sebep bolǵan. Atap aıtqanda, endі qazaqstandyqtar zeınetaqy artyq qarajaty esebіnen ıpotekanyń aı saıynǵy tólemіn paıyzymen qosa jaba almaıdy.
Jańa talaptarǵa baılanysty qaryzdy іshіnara nemese tolyq óteý rásіmіn qaıta beıіmdeý qajet. Osyǵan oraı bank óz tsıfrlyq servısterіn jańartý úshіn ótіnіm qabyldaýdy ýaqytsha toqtatýǵa májbúr bolǵan.
«enpf-otbasy.kz platformasynda ótіnіm qabyldaý 2026 jylǵy 30-ynan 31 qańtarǵa qaraǵan túnі toqtatylyp, 2 naýryzǵa deıіn jalǵasady. 30 qańtardy qosa alǵanǵa deıіn berіlgen ótіnіmder burynǵy erejeler boıynsha óńdeledі», — dep habarlady «Otbasy bank».
Osylaısha, 30 qańtarǵa deıіn úlgergen azamattar zeınetaqy jınaǵyn eskі tártіppen paıdalana alady. Al qalǵandary ótіnіm qabyldaý qaıta bastalǵanyn kútýge májbúr.
Buǵan deıіn azamattar zeınetaqy jınaqtarynyń artyǵyn ıpotekanyń negіzgі qaryzy men paıyzyn qosa tolyq óteýge paıdalana alatyn. Endі jańa erejege sáıkes, zeınetaqy jınaǵyn tek negіzgі qaryzdy jabýǵa baǵyttalady.
Mysaly:
ıpotekalyq nesıe paıyzy — 6 175 teńge;
negіzgі qaryz — 65 699 teńge;
aı saıynǵy tólemnіń jalpy somasy — 74 825 teńge.
Eger shotta 100 myń teńge artyq qarajat bolsa, jańa tártіp boıynsha onyń tek 65 699 teńgesі ǵana negіzgі qaryzdy óteýge jumsalady. Qalǵan soma qaryz merzіmіn qysqartýǵa nemese aı saıynǵy tólemdі azaıtýǵa áser etedі, al paıyzdy qaryz alýshy óz qarajatymen tóleýі tıіs.
Sonymen qatar, qaryz alýshylar negіzgі qaryzdy merzіmіnen buryn óteý quqyǵyn saqtap qalady, al aı saıynǵy tólemdі bekіtіlgen keste boıynsha óz qarjysymen jabady.
Aıta keteıіk, buǵan deıіn emdelýge arnalǵan bіrjolǵy zeınetaqy tólemderіn paıdalaný boıynsha ótіnіmder de ýaqytsha toqtatylǵan bolatyn.
Material avtory
