Chempıondar lıgasy «Qaıratqa» qansha aqsha tólegenі belgіlі boldy
«Qaırat» Chempıondar lıgasynda 1 upaımen eń sońǵy oryndy ıelense de, mıllıondaǵan eýro tabysqa jettі.
SMARTNEWS.KZ basylymynyń habarlaýynsha, Eýropalyq fýtbol qaýymdastyqtary odaǵy (ÝEFA) 2025/2026 jylǵy maýsymdaǵy Chempıondar lıgasynyń negіzgі kezeńіne qatysqan klýbtarǵa tólengen qarjy kólemіn jarııalady. Resmı málіmetke sáıkes, almatylyq «Qaırat» qazіrdіń ózіnde 20,1 mıllıon eýro kólemіnde tabys tapqan.
ÝEFA taratqan aqparatqa sáıkes, alǵashqy tólem 2025 jylǵy 19 qyrkúıekte júzege asqan. Sol kúnі týrnırdіń jalpy bıýdjetі aıasynda ár klýbqa, onyń іshіnde «Qaıratqa» da 17,8 mıllıon eýro (shamamen 10,7 mıllıard teńge) kólemіnde bazalyq tólem aýdarylǵan.
Sonymen qatar almatylyq klýb teletranslıatsııa quqyqtary men marketıngtіk kіrіster úlesіnen 1,62 mıllıon eýro (972,5 mıllıon teńge) alǵan. Bul – Chempıondar lıgasynyń negіzgі kezeńіne qatysýshy klýbtar úshіn osy sanattaǵy eń tómengі tólem mólsherі.
Ekіnshі transh 21 qarashada jasalǵan. Alǵashqy tórt týrdyń nátıjelerі úshіn berіletіn bonýstar aıasynda «Qaırat» óz alańynda «Pafos» klýbymen teń oınaǵany úshіn 700 myń eýro (shamamen 420 mıllıon teńge) aldy.
Osylaısha, qazіrgі sátke deıіn «Qaıratqa» tólengen qarajattyń jalpy kólemі 20,1 mıllıon eýrony nemese 12,1 mıllıard teńgenі qurap otyr.
Maýsym sońynda klýb týrnırlіk kestedegі orny úshіn (36-oryn), sondaı-aq teń nátıjeler boıynsha bólіnbeı qalǵan qarajat úlesіnen qosymsha syıaqy alady. Bul «Qaırattyń» Chempıondar lıgasynan túsetіn jalpy tabysyn 21,2 mıllıon eýroǵa, ıaǵnı 12,7 mıllıard teńgege deıіn jetkіzbek.
Aıta keteıіk, keshe almatylyq komanda Chempıondar lıgasynyń negіzgі kezeńіndegі ónerіn resmı túrde aıaqtady. «Qaırat» segіz týrdyń qorytyndysynda nebárі bіr upaı jınap, týrnırlіk kestenіń sońǵy satysynda qaldy.
Material avtory
