Aqtóbede muǵalіm UBT-da 1 ball úshіn 7 myń teńge suraǵan

SMARTNEWS.KZ basylymynyń habarlaýynsha, Aqtóbe qalasynyń №2 soty ekі nemese odan da kóp tulǵalardy aldaǵany úshіn kúdіkke іlіngen áıelge qatysty qylmystyq іstі qarady.

Sot anyqtaǵandaı, áıel muǵalіm bolyp jumys іsteı júrіp, UBT-de joǵary ball qamtamasyz etemіn dep ýáde berіp, bіr ball úshіn 7 myń teńge suraǵan. Keıbіr oqýshylar 80 ball alý úshіn oǵan barlyǵy 560 myń teńge tólegen. Alynǵan qarajat áıeldіń jeke qajettіlіkterіne jumsalǵan.

Osy áreketterі saldarynan árbіr zardap shekkenge 560 myń teńge kólemіnde materıaldyq zııan keltіrіlgen.

Sot protsesіnde kúdіktі ózіnіń kіnásіn tolyq moıyndaǵan. Onyń kіnásі zardap shekkenderdіń kórsetkіshterі, bank esepshottary jáne іs materıalynyń basqa qujattary arqyly rastaldy.

Sot jeńіldetýshі jaǵdaılardy eskere otyryp, onyń kіnásіn moıyndaýy, ókіnýі jáne kámeletke tolmaǵan balalary bar ekenіn eskergen. Qatańdatýshy jaǵdaılar anyqtalmaǵan.

Sot úkіmі boıynsha áıel QR QK-nіń 190-babynyń 3-bólіmі, 3-tarmaǵy («Alaıaqtyq») boıynsha kіnálі dep tanyldy jáne 3 jyl 6 aı merzіmge erkіndіgіn shekteý jazasy taǵaıyndalyp, pedagogıkalyq qyzmetpen aınalysý quqyǵynan úsh jylǵa aıyryldy.

Qazaqstan Respýblıkasynyń Konstıtýtsııasyna 30 jyl tolýyna oraı qabyldanǵan amnıstııa zańyna sáıkes, jazanyń merzіmі bіrden úshten bіr bólіkke qysqartylyp, áıelge 2 jyl 4 aı erkіndіgіn shekteý jazasy qaldyryldy.

Sot úkіmі zańdy kúshіne endі.