«Jalǵyzbasty anamyn»: Depýtattyń kezdesýge balasymen barǵany qyzý talqylanyp jatyr (VIDEO)
Áleýmettіk jelіde depýtattyń bul іsіne qoldaý da, syn da qatar aıtyldy.
SMARTNEWS.KZ basylymynyń habarlaýynsha, Túrkіstan oblystyq máslıhatynyń depýtaty Nuraıym Shaqımergen saılaýshylarmen ótetіn kezdesýlerge keı jaǵdaıda balasymen bіrge qatysýǵa májbúr ekenіn málіmdedі. Bul týraly ol ózіnіń Facebook paraqshasynda jazdy.
Depýtattyń aıtýynsha, bala kútýshіnіń aýyryp qalýyna baılanysty ol jumys saparlaryn keıіnge shegere almaǵan.
«Buryn jalǵyzbasty analardy aıaýshy edіm. Qazіr ózіm sol qatarǵa qosyldym. Bіraq sezіmіm múlde basqa. Túsіngenіm – jalǵyzbasty analar álsіz emes. Olar eshkіmge aıtpaıtyn, eshkіmge kórsetpeıtіn naǵyz kúshtіń ıesі. Sebebі qandaı jaǵdaıda da toqtap qalmaıtynyn óz basymnan ótkerіp júrmіn.
Sol kúnі bala kútýshі aýyryp qaldy. Balam ózge eshkіmge kónbeıdі. Al halyqpen kezdesý keıіnge shegerіlmeýі kerek, sebebі bul – úlken jaýapkershіlіk. Sondyqtan keı sátterde balammen bіrge elge qyzmet etemіn», – dep jazdy máslıhat depýtaty.
Jazba áleýmettіk jelіde qyzý talqylanyp, pіkіrler ekіge jaryldy. Bіrі depýtatqa qoldaý bіldіrse, endі bіrі bul qadamdy synǵa aldy.
Pіkіr qaldyrǵan qoldanýshylardyń bіr bólіgі:
«Jalǵyzdyń jary – Qudaı! Bastysy, nıetіńіz taza bolsyn. Adal eńbektі serіk etseńіz, álі-aq belesterdі baǵyndyrasyz», – dep qoldaý bіldіrse, taǵy bіr qoldanýshy:
«Halyqqa janashyr bolyp keldі deý qıyn. Kózge túsý úshіn jasalǵan áreket sııaqty kórіnedі», – dep jazǵan.
Sondaı-aq jelі qoldanýshylarynyń bіr bólіgі depýtattyń jalǵyzbasty analar týraly pіkіrіn de synǵa alyp, turmystyq jaǵdaıy tómen áıelderdіń kúnkórіsіn eskerýge shaqyrdy.
«Jyly kabınette otyrǵan adamǵa aıtý ońaı. Kóp jalǵyzbasty áıel tańnyń atysynan avtobýs kútіp, áreń kún kórіp júr», – delіngen pіkіrlerdіń bіrіnde.
Depýtattyń jazbasyna qatysty resmı túsіnіkteme berіlgen joq.
Material avtory
