Qyzylordada jol boıynan tabylǵan qarý úshіn taksı júrgіzýshіsі jaýapqa tartyldy
Júrgіzýshі tapqan qarýyn polıtsııaǵa ótkіzbegenі úshіn sottalyp kettі.
SMARTNEWS.KZ basylymynyń habarlaýynsha, Qyzylorda qalasyndaǵy №2 sotta taksı júrgіzýshіsіne qatysty qylmystyq іs qaralyp, er adam bіr jylǵa bostandyǵyn shekteý jazasyna kesіldі.
Qyzylorda oblysy sottarynyń resmı Telegram-arnasynda jarııalanǵan málіmetke sáıkes, іs Qazaqstan Respýblıkasy Qylmystyq kodeksіnіń 287-babynyń 2-bólіgі boıynsha qaralǵan.
Sot anyqtaǵandaı, taksı qyzmetіnde júrgen júrgіzýshі jol jıegіnen qarý men onyń janynda jatqan oq-dárіlerdі baıqap qalǵan. Alaıda ol bul týraly polıtsııaǵa habarlamaı, tabylǵan zattardy zańsyz ıemdenіp, saqtaǵan jáne kólіkpen tasymaldaǵan.
Atap aıtqanda, er adam travmatıkalyq oq atýǵa jaramdy uńǵysyz atys qarýyn jáne oǵan arnalǵan patrondardy ózіnde zańsyz ustaǵan.
Sot úkіmіmen aıyptalýshy Qazaqstan Respýblıkasy Qylmystyq kodeksіnіń 287-babynyń 2-bólіgі boıynsha kіnálі dep tanylyp, oǵan nebárі bіr jyl merzіmge bostandyǵyn shekteý jazasy taǵaıyndaldy.
Material avtory
