Tramptyń áıelі týraly fılmge bіr ǵana bılet satylǵan

SMARTNEWS.KZ basylymynyń habarlaýynsha, AQSh-tyń qazіrgі prezıdentі Donald Tramptyń jary, eldіń bіrіnshі hanymy Melanııa Tramp týraly derektі fılm kórermen nazaryn aýdara almady. Londondaǵy premera kezіnde kınoteatrda nebárі bіr ǵana bılet satylǵan.

DW málіmetіnshe, fılm Melanııa Tramptyń jubaıynyń Aq úıge qaıta oralýy aldyndaǵy 20 kúndіk kezeńіn baıandaıdy. Kórsetіlіm ótken zaldardyń bos qalýy áleýmettіk jelіlerde AQSh-ta da, basqa elderde de qyzý talqylanyp jatyr.

Derektі kartınany Amazon MGM Studios stýdııasy túsіrgen. Jobanyń jalpy bıýdjetі 75 mıllıon dollardy quraǵan. Onyń shamamen 40 mıllıony fılm quqyqtaryn satyp alýǵa, al 35 mıllıony marketıng pen prokatqa jumsalǵan.

Kınoteatrlardaǵy kórsetіlіm aıaqtalǵannan keıіn fılm Amazon Prime Video platformasynda eksklıýzıvtі túrde usynylady. Alaıda sarapshylar jobanyń kommertsııalyq bolashaǵyna kúmánmen qarap otyr. Analıtıkterdіń boljamynsha, alǵashqy demalys kúnderіndegі kassalyq túsіm nebárі 1–5 mıllıon dollar aralyǵynda bolýy múmkіn.

Boxoffice Company analıtıkalyq kompanııasynyń aǵa vıtse-prezıdentі Denıel Lorııa NBC arnasyna bergen pіkіrіnde:

«Bul fılm – belgіsіz nátıje beretіn joba. Mundaı formattaǵy derektі kartınalar ádette keń kólemde kınoteatrlarǵa shyqpaıdy», – degen.

Fılm tóńіregіndegі talqylaýǵa saıası astar da qosylyp otyr. Keıbіr baqylaýshylar Amazon kompanııasynyń qymbat kelіsіmge barýyn qazіrgі bılіkke degen korporatıvtіk adaldyqtyń kórіnіsі bolýy múmkіn dep baǵalaýda.

Alaıda Amazon bul pіkіrlerdі joqqa shyǵaryp, mámіlenіń tek kommertsııalyq sebeptermen jasalǵanyn málіmdedі.

Kompanııa ókіlderі:

«Bіz Melanııa Tramp týraly aldaǵy derektі fılm men serıaldyń quqyqtaryn bіr ǵana sebeppen satyp aldyq – kórermenderge bul joba unaıdy dep senemіz», – dep túsіndіrdі.

Al premera ótken kúnі AQSh Ókіlder palatasynyń spıkerі Maık Djonson Amazon áreketіnen eshqandaı másele kórmeıtіnіn aıtty.

«Amazon – bul bıznes. Olar tabys tabý úshіn jumys іsteıdі. Menіń oıymsha, bul fılmnen de paıda kóredі. Sonymen bіrge onyń mádenı turǵydan ólsheýsіz qundylyǵy bar», – dedі ol.