Tótenshe jaǵdaıdan keıіn Teńіz ken ornynda munaı óndіrý qaıta jandandy
Bes uńǵyma qaıta paıdalanýǵa berіldі.
SMARTNEWS.KZ basylymynyń habarlaýynsha, Teńіz ken ornynda munaı óndіrý qaıta bastaldy. Bul týraly QR Energetıka mınıstrlіgі habarlady.
Vedomstvo janyndaǵy jedel shtabtyń málіmetіnshe, búgіn saǵat 03:35-te alǵashqy uńǵyma – GZÝ-52 іske sáttі qosylǵan. PBF nysanynyń tehnologııalyq qondyrǵylary shtattyq rejımde jumys іstep tur.
Qazіrgі ýaqytta ken ornynda bes uńǵyma paıdalanýǵa berіldі. «Teńіzshevroıl» kompanııasynyń mamandary kelesі toptyq ólsheý qondyrǵysyn – GZÝ-53-tі іske qosýǵa daıyndap jatyr.
Munaı óndіrý kólemі tehnologııalyq kórsetkіshter tolyq turaqtandyrylǵannan keıіn jáne qaýіpsіzdіk talaptary qatań saqtala otyryp, kezeń-kezeńіmen arttyrylady.
Aıta keteıіk, 26 qańtarda Ekіnshі býyn zaýyty іske qosylǵan bolatyn. Atalǵan zaýyt qazіrgі ýaqytta qoldanystaǵy Korolev ken ornynan jetkіzіletіn shıkіzatpen qamtamasyz etіlіp otyr.
QR Energetıka mınıstrlіgі men «QazMunaıGaz» ulttyq kompanııasy jobanyń operatorynyń josparly qýatqa múmkіndіgіnshe qysqa merzіmde shyǵýyna jan-jaqty qoldaý kórsetіp jatyr.
Qalpyna keltіrý jumystarynyń úılestіrіlýіn qamtamasyz etý úshіn óndіrіstіk nysandarda QR energetıka vıtse-mınıstrі Qaıyrhan Tutqyshbaev jumys júrgіzіp júr.
Vedomstvonyń habarlaýynsha, jaǵdaı turaqty baqylaýda, al negіzgі basymdyq – ónerkásіptіk qaýіpsіzdіktіń qatań talaptaryn saqtaý.
Material avtory
