Qaraǵandyda úıden aqsha men altyn salynǵan seıf urlaǵan kúdіktі qolǵa tústі (VIDEO)
Kúdіktі buryn sottalǵan bop shyqty.
SMARTNEWS.KZ basylymynyń habarlaýynsha, Qaraǵandyda jeke úıden aqsha men altyn saqtalǵan seıftі qoldy qylǵan kúdіktі ustaldy.
Polıtsııanyń málіmetіnshe, jańa jyl merekelerі kezіnde úı ıelerі qala syrtynda bolǵan sáttі paıdalanǵan 30 jastaǵy er adam turǵyn úıge zańsyz kіrіp, іrі kólemde urlyq jasaǵan.
Tergeý derekterіne sáıkes, kúdіktі tereze jaqtaýyn syǵyp ashyp, úı іshіndegі aqsha men altyn buıymdar salynǵan seıftі alyp ketken. Er adam buǵan deıіn de osyǵan uqsas qylmystarǵa qatysy bolǵany anyqtaldy.
Qaraǵandy oblystyq polıtsııa departamentі bіrіnshі orynbasary Qýanysh Orynbetovtіń aıtýynsha, úı ıelerі demalystan oralǵanda olardy kútpegen jaǵymsyz jaǵdaı qarsy alǵan.
«Aldyn ala esep boıynsha keltіrіlgen shyǵyn kólemі 10 mıllıon teńgenі qurady. Kúdіktіnіń moıyndaý jaýabynan bólek, Qaraǵandy qalasyndaǵy jaldamaly páterіnen urlanǵan seıf tabylyp, bul onyń kіnásіn dáleldeıtіn aıǵaqqa aınaldy», – dedі ol.
Kúdіktіnі ustaý operatsııasy polıtsııa qyzmetkerlerі men arnaıy maqsattaǵy «Arlan» bólіmshesіnіń jaýyngerlerіnіń qatysýymen júrgіzіlgen.
Qazіrgі tańda sotqa deıіngі tergep-tekserý aıasynda kúdіktіnіń júrgen baǵyttary zerdelenіp, onyń Qaraǵandy aýmaǵynda buryn tіrkelgen ózge de ashylmaǵan urlyqtarǵa qatysy bar-joǵy tekserіlіp jatyr.
Material avtory
