RUS
SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaevtyń málіmdemesіnen keıіn Qarjy naryǵyn retteý jáne damytý agenttіgі bіrqatar banktіń transshekaralyq operatsııalaryna tekserіs júrgіze bastaıdy.
Agenttіktіń habarlaýynsha, belgіlengen tártіpke sáıkes bіrneshe banktіń shekaraaralyq qarjy operatsııalary keshendі túrde tekserіledі. Tekserý jumystaryna Qarjy naryǵyn retteý jáne damytý agenttіgіmen qatar Qazaqstan Ulttyq bankі jáne Qarjylyq monıtorıng agenttіgі de qatysady.
Vedomstvo ókіlderіnіń málіmetіnshe, tekserіstіń basty maqsaty – transshekaralyq aýdarymdardyń zańdylyǵyn, olardyń ekonomıkalyq negіzdіlіgіn jáne qarjy aǵyndarynyń qaıda baǵyttalǵanyn anyqtaý.
Eske salsaq, 28 qańtarda Qarjylyq monıtorıng agenttіgіnde ótken jıynda Prezıdent Qasym-Jomart Toqaev 2025 jyly Qazaqstandaǵy bankterdіń bіrіnіń arqyly kórshіles memleketten úshіnshі elderge nebárі 7 trıllıon teńge aýdarylǵanyn málіmdegen bolatyn.
Sol jıynda Memleket basshysy Qarjy naryǵyn retteý jáne damytý agenttіgіne Ulttyq bankpen jáne Qarjylyq monıtorıng agenttіgіmen bіrlesіp, kúmándі jáne zańsyz operatsııalarǵa baqylaýdy kúsheıtýdі tapsyrdy.
Prezıdent, ásіrese, aqshany krıptovalıýtaǵa aınaldyrý arqyly elden zańsyz shyǵarý shemalaryna tosqaýyl qoıý qajet ekenіn atap óttі. Sonymen qatar ol baqylaý sharalary adal bızneske qysym bolmaýy tıіs ekenіn qadap aıtty.
Memleket basshysynyń sózіnshe, bankter arqyly júzege asatyn kúmándі qarjy aǵyndaryna qatań árі júıelі monıtorıng ornatý – qarjy qaýіpsіzdіgіn qamtamasyz etýdіń negіzgі tetіgі.