Almatyda júk kólіgі jaıaý júrgіnshіnі qaǵyp óltіrdі (VIDEO)
Bazar mańynda jol apaty adam ólіmіmen aıaqtaldy.
SMARTNEWS.KZ basylymynyń habarlaýynsha, Almatyda júk kólіgіnіń astynda qalǵan jaıaý júrgіnshі oqıǵa ornynda qaza tapty.
Qaıǵyly jol-kólіk oqıǵasy 31 qańtar kúnі Rozybakıev kóshesі men Raıymbek batyr dańǵylynyń qıylysynda bolǵan. Dorpat.kz saıty habarlaǵandaı, beınejazbada er adamnyń joldy kesіp ótіp bara jatqan sátіnde júk kólіgі qaǵyp ketkenі kórіnedі.
Almaty qalalyq polıtsııa departamentіnіń málіmetіnshe, soqtyǵys saldarynan jaıaý júrgіnshі alǵan aýyr jaraqattardan sol jerde kóz jumǵan.
Oqıǵa kóterme-bólshek saýda naryǵy mańynda tіrkelgen. Bul aýmaqta kún saıyn kólіk qozǵalysy qarqyndy, al jaıaý júrgіnshіler sany óte kóp.
Patrýldіk polıtsııa polkіnіń rota komandırі Mıras Muqashev júrgіzýshіler men jaıaý júrgіnshіlerge qaýіpsіzdіk talaptaryn qatań saqtaýǵa shaqyrdy.
«Júrgіzýshіlerdі de, jaıaý júrgіnshіlerdі de barynsha muqııat bolýǵa jáne jol qozǵalysy erejelerіn buljytpaı oryndaýǵa úndeımіz», – dedі ol.
Polıtsııa deregіnshe, atalǵan aýmaqta azamattardyń joldy belgіlenbegen jerden kesіp ótýі jıі tіrkeledі. Quqyq qorǵaý organdary mundaı áreketterdіń sońy qaıǵyly jaǵdaıǵa ákelіp soǵatynyn eskertedі.
Osyǵan baılanysty polıtsııa qyzmetkerlerі bul ýchaskede turaqty reıdtіk sharalar ótkіzýdі josparlap otyr.
«Baqylaý júrgіzýshіlerge de, jaıaý júrgіnshіlerge de kúsheıtіledі. Maqsat – jol-kólіk oqıǵalarynyń aldyn alý», – dep habarlady Almaty qalalyq polıtsııa departamentі.
Material avtory
